ഒരിക്കല് കഴിച്ചാല് വീണ്ടും വീണ്ടും കഴിക്കാന് തോന്നുന്ന സ്പൈസി ബാര്ബിക്യൂ ചിക്കന്..ഓര്ക്കുമ്പോള് തന്നെ വായില് വെള്ളമൂറുന്നു. കൊതിതോന്നുമ്പോള് പോയി കഴിക്കാമെന്നു വച്ചാലോ പോക്കറ്റ് കാലിയായത് തന്നെ. എന്നാല് കീശ ചോരാതെ വീട്ടില് തന്നെ ബാര്ബിക്യൂ ചിക്കന് തയ്യാറക്കിയാലോ….
ഇലക്ട്രിക് അവന് ഉണ്ടെങ്കില് വളരെ വേഗത്തില് തന്നെ ജ്യൂസി ബാര്ബിക്യൂ ചിക്കന് വീട്ടില് തന്നെ തയ്യാറാക്കാം.
ചേരുവകള് നോക്കാം
ചിക്കന് ചെറിയ കഷണങ്ങളാക്കിയത് -അര കിലോ
ബാര്ബിക്യൂ സോസ് – 1 കപ്പ്
തയ്യാറാക്കുന്ന വിധം
ചിക്കന് കഷണങ്ങളിലേയ്ക്ക് ബാര്ബിക്യൂ സോസ് ചേര്ന്ന് നന്നായി യോജിപ്പിക്കുക. 3-4 മണിക്കൂര് വരെ ഇത് മസാല പിടിക്കുവാന് വെയ്ക്കണം.
അവനില് റാക്കില് നിരത്തി വെച്ച് 10 മിനിറ്റ് ചൂടാക്കുക. ഇതിന് ശേഷം ചിക്കന് പുറത്തെടുത്ത് ഒന്ന് കൂടി സോസ് നന്നായി ചേര്ക്കുക. ഇങ്ങനെ രണ്ട് മൂന്ന് പ്രാവശ്യം സോസ് ചേര്ത്ത് ഗ്രില് ചെയ്യുക.
ഏകദേശം മുപ്പത്തിയഞ്ച് മിനിറ്റ് ചൂടാക്കിയ ശേഷം ചൂടോടെ മയോണൈസിനോടൊപ്പം ഉപയോഗിക്കാം.