സാധനം വാങ്ങാന് കടകളിലെത്തുന്നവരില് നിന്നും വിലയീടാക്കാന് ഇനി സ്മാര്ട്ട്ഫോണ് മതി. ഡെബിറ്റ് കാര്ഡോ ക്രെഡിറ്റ് കാര്ഡോ കൊണ്ട് ഫോണില് തൊട്ടാല് മതി പണം സ്വീകരിക്കാനുള്ള പുതിയ സംവിധാനമൊരുക്കി മാസ്റ്റര്കാര്ഡ്. ടാപ്-ആന്ഡ്-ഗോ എന്ന സാങ്കേതികവിദ്യ ഉപയോഗിച്ചാണ് ഈ സംവിധാനമൊരുക്കുന്നത്.
നാല് സെന്റീമീറ്റര് ചുറ്റളവിലുള്ള മറ്റു സംവിധാനവുമായി ബന്ധപ്പെടാന് സ്മാര്ട്ട് ഫോണുകളില് ഒരുക്കിയിട്ടുള്ള വൈഫൈ അടക്കമുള്ള സൗകര്യം ഉപയോഗിച്ചാണ് പുതിയ സംവിധാനം പ്രവര്ത്തിക്കുക. ചെറുകിട വ്യാപാരികളെയാണ് ലക്ഷ്യമിട്ടിരിക്കുന്നത്. പോയിന്റ് സെയില് (പി.ഓ.എസ്) സംവിധാനം ഉപയോഗിച്ച് ഒരാളില് നിന്നും ശരാശരി 2000 രൂപയുടെ ഇടപാടാണ് ചെറുകിട വ്യാപരസ്ഥാപനങ്ങളില് നടക്കുന്നത്. എന്നാല്, ബാങ്കുകള് നല്കുന്ന പി.ഒ.എസ് സംവിധാനത്തിന്റെ ഉപയോഗത്തിനും പരിപാലനത്തിനും ചെലവുള്ളത് വ്യാപാരികളെ ബാധിക്കുന്ന സാഹചര്യത്തിലാണ് പ്രത്യേക ചെലവോന്നും ഇല്ലാതെ കൈയിലുള്ള സ്മാര്ട്ട് ഫോണ് ഉപയോഗിച്ച് പണമിടപാട് നടത്താന് സൗകര്യമൊരുക്കുന്നു എന്ന് കമ്പനി അധികൃതര് പറഞ്ഞു.
2020 ആകുമ്പോഴേക്കും സ്മാര്ട്ട് ഫോണുകളില് പി.ഓ.എസ് ഉപയോഗപ്പെടുത്താനാണ് ലക്ഷ്യമിടുന്നത്. അതിനായി പ്രത്യേകിച്ച് പാസ്വേഡോ ഏതെങ്കിലും തരത്തിലെ കോഡുകളോ ഉപയോഗിക്കേണ്ടതയില്ലെന്നതും പ്രത്യേകതയാണ്. എസ്.ബി.ഐ അടക്കമുള്ള ബാങ്കുകളുടെ കാര്ഡുകളിലും പി.ഒ.എസ് യന്ത്രങ്ങളിലും നിലവില് ടാപ് ആന്ഡ് ഗോ സംവിധാനം ഉപയോഗിക്കുന്നുണ്ട്. ഇതിനായി വിവിധ ബാങ്കുകളുമായി ചര്ച്ച നടത്തുന്നുണ്ട്. 2020-ഓടെ മാസ്റ്റര് കാര്ഡ് വ്യാപകമാക്കാനാണ് പദ്ധതി.