KeralaBusiness

ഇനി മുതല്‍ മില്‍മ ഉല്‍പന്നങ്ങള്‍ വീട്ടിലെത്തും; പുതിയ ആപ്ലിക്കേഷനുമായി മില്‍മ

തിരുവനന്തപുരം: മൊബൈല്‍ ആപ്ലിക്കേഷന്‍ വഴി പാലും പാലുല്‍പന്നങ്ങളും വീട്ടില്‍ എത്തിക്കാന്‍ പുതിയ പദ്ധതി ആവിഷ്‌ക്കരിച്ച് മില്‍മ. സ്വകാര്യ ഐ.ടി കമ്പനിയുമായി ചേര്‍ന്നാണ് പുതിയ പദ്ധതി മില്‍മ ആവിഷ്‌ക്കരിച്ചിരിക്കുന്നത്.

വിളിപ്പുറത്ത് മില്‍മ ഉല്‍പന്നങ്ങള്‍ ലഭ്യമാക്കുക എന്ന ലക്ഷ്യത്തോടെ ആരംഭിക്കുന്ന എ എം നീഡ്‌സ് എന്ന ആപ്ലിക്കേഷന്‍ ജൂണ്‍ 1 മുതല്‍ നിലവില്‍ വരും. തിരുവനന്തപുരത്ത് തുടങ്ങുന്ന സേവനം ജൂലൈ ഓഗസ്റ്റ് മാസങ്ങളില്‍ എറണാകുളത്തും കോഴിക്കോടും ലഭ്യമാക്കും. തുടര്‍ന്ന് മറ്റ് ജില്ലകളിലേക്കും സേവനം വ്യാപിപ്പിക്കും.

ആദ്യഘട്ടത്തില്‍ പാലും തൈരും മാത്രമായിരിക്കും ലഭ്യമാകുക. ക്രമേണ മറ്റെല്ലാ മില്‍മ ഉല്‍പന്നങ്ങളും ആപ്പ് വഴി ലഭ്യമാകും. രാവിലെ അഞ്ചു മണി മുതല്‍ എട്ടു വരെയാണ് സേവനം ലഭിക്കുന്നത്. ഉല്‍പന്ന വിലയ്ക്കു പുറമെ ചെറിയൊരു സര്‍വീസ് ചാര്‍ജും ഈടാക്കുന്നതായിരിക്കും. ആന്‍ഡ്രോയിഡ് ഫോണ്‍ ഉപഭോക്താക്കള്‍ക്ക് എ എം നീഡ്‌സ് ആപ്പ് ഗൂഗിള്‍ പ്ലേ സ്റ്റോറില്‍ നിന്നും ഡൗണ്‍ലോഡ് ചെയ്ത് സേവനം പ്രയോജനപ്പെടുത്താം.

325 Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close