ചെന്നൈ: രാജ്യത്തെ സ്വര്ണ്ണ ഇറക്കുമതിയില് 20% വര്ധനവ് രേഖപ്പെടുത്തി. മാര്ച്ചില് അവസാനിച്ച പാദത്തിലാണ് 20% വര്ധനവ് രേഖപ്പെടുത്തിയത്. അക്ഷയതൃതിയയ്ക്കു മുന്നോടിയായി ജൂവലറികള് സ്റ്റോക്ക് വര്ധിപ്പിച്ചതാണ് സ്വര്ണ്ണ ഇറക്കുമതി കൂടാന് കാരണം.
മാര്ച്ചില് അവസാനിച്ച പാദത്തില് 196.8 ടണ് സ്വര്ണ്ണമാണ് രാജ്യത്ത് ഇറക്കുമതി ചെയ്തത്. കഴിഞ്ഞവര്ഷം 164.4 ടണ് സ്വര്ണ്ണമായിരുന്നു ഇറക്കുമതി ചെയ്തത്. അക്ഷയതൃതിയയും വിവാഹസീസണുമായതിനാല് ഈ വര്ഷം മാര്ച്ചില് മാത്രം 78 ടണ് സ്വര്ണ്ണമാണ് ഇറക്കുമതി ചെയ്തത്.
രാജ്യത്ത് ഏറ്റവുമധികം സ്വര്ണ വില്പ്പന നടക്കുന്ന ദിനമാണ് അക്ഷയതൃതീയ. ഈ വര്ഷം മെയ് 7നാണ് അക്ഷയ തൃതീയ. സ്വര്ണ്ണ വില്പനയില് 20 മുതല് 30 ശതമാനം വരെ വര്ധനവാണ് ഇത്തവണ വ്യാപാരികള് പ്രതീക്ഷിക്കുന്നത്.
