മുംബൈ: 2019 ലെ ലോക്സഭാ തെരഞ്ഞെടുപ്പില് ബിജെപി നേതൃത്വം നല്കുന്ന എന്ഡിഎ വിജയിക്കുമെന്ന് എക്സിറ്റ് പോള് ഫലങ്ങളുടെ പ്രവചനങ്ങള്ക്ക് പിന്നാലെ കുതിച്ച് ഓഹരി വിപണി. 38,701.18 ല് വ്യാപാരം തുടങ്ങിയ ബിഎസ്ഇ സെന്സെക്സ് 763.61 പോയിന്റ് ലാഭത്തോടെ നിലവില് 38,694.38 ല് വ്യാപാരം തുടരുകയാണ്. വില്പ്പന ആരംഭിച്ചപ്പോള് 38,892.89 ആയി ഉയരുകയും 38,570.04 വരെ കുറയുകയും ചെയ്തു.
ബിഎസ്ഇയിലെ 952 കമ്പനികളുടെ ഓഹരികള് നേട്ടത്തിലും 100 കമ്പനികളുടെ ഓഹരികള് നഷ്ടത്തിലുമായിരുന്നു. അതേസമയം നാഷണല് സ്റ്റോക്ക് എക്സ്ചേഞ്ചിന്റെ സൂചികയായ നിഫ്റ്റി 242 പോയന്റ് നേട്ടത്തില് 11649ലാണ് വ്യാപാരം പുരോഗമിക്കുന്നത്.
ഐസിഐസിഐ ബാങ്ക്, എസ്ബിഐ, ഇന്ഡസിന്ഡ് ബാങ്ക്, എച്ച്ഡിഎഫ്സി ബാങ്ക്, എം ആന്റ് എം, യെസ് ബാങ്ക്, എല്ആന്റ്ടി, ബജാജ് ഫിനാന്സ്, ടാറ്റ മോട്ടോഴ്സ്, മാരുതി തുടങ്ങിയ ഓഹരികള് നേട്ടത്തിലാണ്.
ഡോ.റെഡ്ഡീസ് ലാബ്, സീ എന്റര്ടെയ്ന്മെന്റ്, ബജാജ് ഓട്ടോ, ടെക് മഹീന്ദ്ര, ഇന്ഫോസിസ്, എച്ച്സിഎല് ടെക് തുടങ്ങിയ ഓഹരികള് നഷ്ടത്തിലുമാണ്. ഐടി മേഖലയിലെ ഓഹരികള് നഷ്ടത്തിലാണ്.