MovieEntertainment

കാര്‍ഗില്‍ ഗേള്‍ ‘ഗുന്‍ജന്‍ സക്‌സേന’യ്ക്ക് പിറന്നാള്‍ ആശംസയുമായി ജാന്‍വി കപൂര്‍

ബോളിവുഡ് താരം ജാന്‍വി കപൂറിന്റെ അടുത്തതായി പുറത്ത് വരുന്ന ചിത്രമാണ് “ദ കാര്‍ഗില്‍ ഗേള്‍”. ഗുന്‍ജന്‍ സക്‌സേനയുടെ സാഹസിക ജീവിതകഥ പറയുന്ന ചിത്രമാണ് ഇത്. ചിത്രത്തില്‍ ഗുന്‍ജനായി വേഷമിടുന്നത് ജാന്‍വി കപൂര്‍ ആണ്.

ചിത്രീകരണ തിരക്കിലാണെങ്കിലും താരം ഇന്‍സ്റ്റയില്‍ സജീവമാണ്. ഇപ്പോള്‍ കാര്‍ഗില്‍ ഗേളായ ഗുന്‍ജന് പിറന്നാള്‍ ആശംസകള്‍ നേര്‍ന്നത് സമൂഹമാധ്യമങ്ങളില്‍ ചര്‍ച്ചയായിരിക്കുകയാണ്. തന്റെ ഇന്‍സ്റ്റയിലൂടെയാണ് ജാന്‍വി ഗുന്‍ജന് പിറന്നാള്‍ ആശംസ നേര്‍ന്നത്.

‘സാഹസികത എന്താണെന്നും കഠിന പ്രയത്‌നത്തിനെ കുറിച്ചും മനസിലാക്കി തന്നതിന് നന്ദി. താങ്കളുടെ ജീവിത കഥയിലൂടെ എനിക്ക് എന്നെ മനസിലാക്കാന്‍ സാധിച്ചു, അതുപോലെ മറ്റുള്ളവര്‍ക്കും താങ്കളുടെ ജീവിതം ഒരു പ്രചോദനമാകുമെന്നും ജാന്‍വി പറഞ്ഞു. പിറന്നാള്‍ ആശംസയോടൊപ്പം ഗുന്‍ജനോടൊപ്പമുള്ള ഒരു ഫോട്ടോയും ജാന്‍വി പോസ്റ്റ് ചെയ്തിട്ടുണ്ട്.

ആദ്യമായി യുദ്ധമുഖത്തേക്ക് വിമാനം പറത്തിയ വനിതയാണ് ഗുന്‍ജന്‍ സക്‌സേന. 1999 കാര്‍ഗില്‍ യുദ്ധസമയത്തായിരുന്നു അത്. പരിക്കേറ്റ ഇന്ത്യന്‍ ഭടന്മാരെയും കൊണ്ട് അതിര്‍ത്തിയില്‍ നിന്ന് ആശുപത്രികളിലേക്ക് ഹെലികോപ്റ്റര്‍ വഴിയാണ് ഗുന്‍ജന്‍ സക്‌സേന എത്തിച്ചത്. നേരിട്ട് യുദ്ധം ചെയ്തില്ലെങ്കിലും ധീരമായ ഈ പ്രവൃത്തിക്ക് പിന്നീട് രാജ്യം ശൗര്യചക്ര നല്‍കി ഗുന്‍ജനെ ആദരിക്കുകയുണ്ടായി.

ശൗര്യചക്ര ലഭിക്കുന്ന ആദ്യത്തെ വനിതയാണിവര്‍. വ്യോമസേനയുടെ വനിതാ ഫൈറ്റര്‍ പൈലറ്റുമാരുടെ 25 പേരടങ്ങുന്ന ആദ്യബാച്ചിലെ അംഗമായിരുന്നു ഗുന്‍ജന്‍. കാര്‍ഗില്‍ ഹെലികോപ്റ്റര്‍ സേവനത്തിന് സേന നിയോഗിച്ച ആദ്യ വനിതാപൈലറ്റും ഇവരായിരുന്നു.

‘ധഡക്’ എന്ന ചിത്രത്തിലൂടെയാണ് ബോളിവുഡ് താരം ശ്രീദേവിയുടെ മകളും നടിയുമായ ജാന്‍വി കപൂര്‍ അരങ്ങിലെത്തിയത്. ദ കാര്‍ഗില്‍ ഗേള്‍ എന്ന് പേരിട്ടിരിക്കുന്ന ചിത്രം ജാന്‍വിയെ തിരക്കുള്ള കഥാപാത്രമാക്കി മാറ്റുമെന്നാണ് പ്രതീക്ഷ. ചിത്രത്തിന് വേണ്ടി ജാന്‍വി ഒരു പാട് കഷ്ടപ്പെട്ടിട്ടുണ്ട്. ഇതിനു വേണ്ടി പല തവണ ഗുന്‍ജനെ കാണുകയും, സംസാരിക്കുകയും ചെയ്തിരുന്നു.

നേരത്തെ ചിത്രത്തിന്റെ പോസ്റ്റര്‍ പുറത്ത് വിട്ടിരുന്നു. എയര്‍ഫോഴ്‌സ് യൂനിഫോമില്‍ ജാന്‍വി നടന്നു വരുന്ന ചിത്രമാണ് പുറത്ത് വിട്ടത്.യുദ്ധമുഖത്ത് ഹെലികോപ്ടര്‍ പറത്താന്‍ ഗുന്‍ജന്‍ സക്‌സേന എടുത്ത ധീരമായ തീരുമാനത്തെ പ്രമേയമാക്കിയാണ് സിനിമ ഒരുങ്ങുന്നത്. ശരണ്‍ ശര്‍മ്മയാണ് ചിത്രത്തിന്റെ സംവിധായകന്‍. കരണ്‍ ജോഹര്‍, ഹിരോ ജോഹര്‍ എന്നിവര്‍ ചേര്‍ന്നാണ് ചിത്രം നിര്‍മ്മിക്കുന്നത്.

245 Shares

Scroll down for comments

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close