നോട്ടം കൊണ്ടു പോലും ഭീതി പരത്തുന്ന കഥാപാത്രമാണ് നെറ്റ്ഫ്ളിക്ക്സിന്റെ ഇന്ത്യന് സീരിസായ സേക്രഡ് ഗെയിംസിലെ മാല്ക്കം എന്ന കഥാപാത്രം. അതില് മാല്ക്കം എന്ന കഥാപാത്രമായി എത്തിയത് ലൂക്ക് കെന്നി എന്ന നടനായിരുന്നു. തികഞ്ഞ കൈയടക്കത്തോടെയാണ് മാല്ക്കത്തെ ലൂക്ക് അവതരിപ്പിച്ചത്.
ലൂക്കിന്റെ മിന്നുന്ന പ്രകടനം സിനിമാ ലോകത്തിന്റെ ശ്രദ്ധ നേടിയിരിക്കുകയാണ്. സീരിസിന് ഹിന്ദിയില് മാത്രമല്ല മറ്റ് സിനിമാ മേഖലകളിലും ആരാധകരുണ്ട്. ഇപ്പോഴിതാ ലൂക്കിനെ തേടി തമിഴ് സിനിമയും എത്തിയിരിക്കുകയാണ്. നയന്താര നായികയാവുന്ന ചിത്രത്തില് ലൂക്കും എത്തുന്നുവെന്നാണ് റിപ്പോര്ട്ടുകള്.
വിഗ്നേഷ് നിര്മ്മിക്കുന്ന ചിത്രത്തിലൂടെയായിരിക്കും ലൂക്കിന്റെ തമിഴ് പ്രവേശനം എന്നാണ് വിവരം. സംവിധാനം നിര്വഹിക്കുന്നത് മിലിന്ദ് റാവുവാണ്. സിദ്ധാര്ത്ഥും ആന്ഡ്രിയയും തകര്ത്ത ഹൊറര് ചിത്രമായ ‘അവളുടെ’ സംവിധായകനാണ് മിലിന്ദ്.
പേരിടാത്ത ചിത്രത്തില് കേന്ദ്ര കഥാപാത്രം അവതരിപ്പിക്കുന്നത് നയന്താരയായിരിക്കും. ചിത്രത്തെ കുറിച്ചുള്ള കൂടുതല് വിവരങ്ങള് ലഭ്യമല്ല. നേരത്തെ തന്നെ ഇമൈകള് നൊടികള്, ഐറ, കൊലയുതിര് കാലം തുടങ്ങിയ ഹൊറര് ചിത്രങ്ങളിലൂടെ നയന്താര കൈയ്യടി നേടിയിരുന്നു.