Entertainment

മമ്മൂട്ടിക്ക് പിറന്നാള്‍ ആശംസകളുമായി ആരാധകര്‍ കടവന്ത്ര വീട്ടില്‍

ലയാളികളുടെ പ്രിയതാരം മമ്മൂട്ടിക്ക് ഇന്ന് 68-ാം പിറന്നാള്‍. പ്രമുഖ താരങ്ങളെല്ലാം മമ്മൂട്ടിക്ക് ജന്മദിനാശംസകള്‍ നേര്‍ന്നിട്ടുണ്ട്. ആരാധകര്‍ മമ്മൂട്ടിയുടെ വീട്ടില്‍ നേരിട്ടെത്തിയാണ് ആശംസ നേര്‍ന്നത്. രാത്രി പന്ത്രണ്ടു മണിയോടെ കൊച്ചിയിലെ പനമ്പള്ളി വീട്ടിനു മുമ്പിലാണ് ആരാധകരെത്തിയത്.

ഇത്തവണ ആരാധകരുടെ ആവേശത്തില്‍ പങ്കു ചേരാന്‍ നടന്‍ രമേശ് പിഷാരടിയുമുണ്ടായിരുന്നു. മമ്മൂട്ടിയുടെ പുതിയ ചിത്രമായ ഗാനഗന്ധര്‍വ്വന്‍ സിനിമ സംവിധാനം നിര്‍വഹിക്കുന്നത് രമേശ് പിഷാരടിയാണ്. ആര്‍പ്പുവിളികള്‍ക്കിടയില്‍ ഇറങ്ങി ചെന്ന് താരം ആരാധകരില്‍ നിന്ന് ആശംസകള്‍ സ്വീകരിച്ചു.

മുന്‍ വര്‍ഷവും ആരാധകര്‍ പിറന്നാള്‍ ദിനത്തില്‍ മമ്മൂട്ടിയുടെ വീട്ടിലെത്തിയിരുന്നു. അന്ന് മമ്മൂട്ടി കേക്ക് നല്‍കിയാണ് ആരാധകരെ സ്വീകരിച്ചത്. കാറില്‍ നിന്നിറങ്ങി വീട്ടിലേക്ക് കയറിയ മമ്മൂട്ടി എന്നാല്‍ ഒരു നിമിഷം ആരാധകരെ അഭിവാദ്യം ചെയ്യാനായി വീട്ടു പടിക്കല്‍ നിന്നു.

പിറന്നാൾ ദിനത്തിൽ രാത്രി 12 മണിക്ക് മമ്മൂയുടെ വീട്ടിൽ എത്തിയ ജനക്കൂട്ടം

പിറന്നാൾ ദിനത്തിൽ രാത്രി 12 മണിക്ക് മമ്മൂയുടെ വീട്ടിൽ എത്തിയ ജനക്കൂട്ടം

Gepostet von Mammootty Fans Club am Freitag, 6. September 2019

ആഘോഷ പരിപാടികളിലേക്ക് നീങ്ങും മുമ്പ് അദ്ദേഹം ആരാധകരോട് ‘കേക്ക് വേണോ’ എന്നു ചോദിച്ചു. ഇതിന്റെ വീഡിയോ ആണ് ഇപ്പോള്‍ സോഷ്യല്‍ മീഡിയയില്‍ പ്രചരിക്കുന്നത്. മമ്മൂട്ടി ഫാന്‍സ് ആണ് വീഡിയോ പുറത്തുവിട്ടിരിക്കുന്നത്.

അതേസമയം വ്യത്യസ്ത രീതിയിലാണ് നടി അനു സിത്താര മമ്മൂട്ടിക്ക് പിറന്നാള്‍ ആശംസകള്‍ നേര്‍ന്നത്. കുട്ടിക്കാലം മുതല്‍ മമ്മൂട്ടിയുടെ കട്ട ഫാനായിരുന്നു നടി അനു സിതാര. ഷാളില്‍ പിറന്നാള്‍ ആശംസകള്‍ എന്നെഴുതി, മമ്മൂട്ടിയുടെ വിവിധ സിനിമകളിലെ ഗെറ്റപ്പുകളും ഉള്‍പ്പെടുത്തിയ ഷാള്‍ വീശിയാണ് അനു സിത്താര പ്രിയ താരത്തിന് പിറന്നാള്‍ ആശംസ നേര്‍ന്നിരിക്കുന്നത്. മമ്മൂട്ടി ആരാധകര്‍ ഈ വീഡിയോ പങ്കുവെച്ചിട്ടുണ്ട്. ആരാധകരില്‍ പലരുടെയും വാട്സ് ആപ്പ് സ്റ്റാറ്റസും ഈ വീഡിയോയാണ്.

Happy birthday dear mammooka ❤️❤️😘😘😘

Gepostet von Anu Sithara am Freitag, 6. September 2019

305 Shares

Scroll down for comments

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close