കണ്ണൂർ : രാവിലെ ഒരു പക്ഷിത്തൂവൽ കിട്ടിയെന്നിരിക്കട്ടെ. സാധാരണ നമ്മൾ എന്തു ചെയ്യും. ഒരു പക്ഷേ എത് പക്ഷിയുടേതാണെന്ന് നോക്കിയേക്കാം. എന്നാൽ അവസാനം അത് അവിടെയെവിടെയെങ്കിലും കളയാറാണ് പതിവ്. എന്നാൽ ശബരി നാഥ് എന്ന ചെറുപ്പക്കാരൻ ഇക്കാര്യത്തിൽ വ്യത്യസ്തനാണ്.
പക്ഷിത്തൂവൽ പലഭാവങ്ങളിലും രൂപങ്ങളിലും ഉപയോഗിച്ചപ്പോൾ പിറന്നത് നിരവധി മനോഹരമായ ചിത്രങ്ങൾ. കലാകാരന് ഒരു കീറക്കടലാസ് പോലും അവന്റെ കലാപരമായ കഴിവ് കൊണ്ട് മനോഹരമാക്കിത്തീർക്കാം എന്നതിന്റെ മറ്റൊരുദാഹരണം. പക്ഷിത്തൂവൽ തിരിച്ചും മറിച്ചുമൊക്കെ വച്ച് ശബരി പെൻസിലെടുത്തപ്പോൾ പിറന്നത് മീനും മനുഷ്യനും സൈക്കിളും സുന്ദരിയുമൊക്കെയാണ്.
കാസർഗോഡ് തൃക്കരിപ്പൂരിലെ ചെറുകാനം സ്വദേശിയാണ് ശബരിനാഥ്.
തിരുവനനന്തപുരം ഫൈൻ ആർട്സ് കോളേജിൽ നിന്ന് ബിരുദം നേടിയതിനു ശേഷം നിലവിൽ ബംഗളൂരുവിലെ ഒരു പരസ്യ കമ്പനിയിൽ ജോലി ചെയ്യുകയാണ് ശബരി. എന്തായാലും പക്ഷിത്തൂവൽ കൊണ്ട് ശബരി വരച്ച ചിത്രങ്ങൾ സാമൂഹ്യമാദ്ധ്യമങ്ങളിൽ വൈറലാവുകയാണ്.
https://www.facebook.com/sabarinath.tv.5/posts/1423464587796500