പ്രധാനമന്ത്രി നരേന്ദ്രമോദിയുടെ ജീവചരിത്രം പ്രമേയമാകുന്ന സിനിമ മാന് ബൈരാഗിയുടെ ഫസ്റ്റ്ലുക്ക് ടീസര് നടന് അക്ഷയ്കുമാര് പുറത്തിറക്കി. പ്രധാനമന്ത്രിയുടെ 69-ാം പിറന്നാളിനോടനുബന്ധിച്ചാണ് ടീസര് പുറത്തിറക്കിയത്.
സഞ്ജയി ലീല ബന്സാലിയുടേയും മഹാവീര് ജയിന്റേയും സവിശേഷ ഫീച്ചര് സിനിമയായ മാന് ബൈരാഗിയുടെ ഫസ്റ്റ് ലുക്ക് പ്രധാനമന്ത്രിയുടെ പിറന്നാള് ദിനത്തില് പുറത്തിറക്കിയതില് ഒരു പാട് സന്തോഷമുണ്ടെന്നും പോസ്റ്റര് പങ്കുവെച്ച് കൊണ്ട് അക്ഷയ് കുമാര് പറഞ്ഞു. പോസ്റ്റിനൊപ്പം പ്രധാനമന്ത്രിക്ക് പിറന്നാള് ആശംസകള് നേരാനും അക്ഷയ്കുമാര് മറന്നില്ല.
‘സവിശേഷ വ്യക്തിക്ക് സവിശേഷ വ്യക്തികള് ഒരുക്കുന്ന സവിശേഷ സിനിമയാണിത്. പ്രധാനമന്ത്രിക്ക് പിറന്നാള് ആശംസകള് നേര്ന്ന് ബാഹുബലി താരം പ്രഭാസ് പറഞ്ഞു. പ്രധാനമന്ത്രിയുടെ അറിയപ്പെടാത്ത കഥയാണ് സിനിമയിലൂടെ വ്യക്തമാക്കുന്നതെന്നും താരം പറഞ്ഞു.
പ്രധാനമന്ത്രിയെ കുറിച്ച് ആരും അറിയാത്ത കഥകളും അദ്ദേഹത്തിന്റെ ജീവിതത്തിലെ നിര്ണായക നിമിഷങ്ങളേയും കോര്ത്തിണക്കിയാണ് സിനിമ ചെയ്തതെന്ന് സഞ്ജയ് ലീല ബന്സാലി അറിയിച്ചു. അദ്ദേഹത്തിന്റെ അറിയപ്പെടാത്ത കാര്യങ്ങള് ജനങ്ങള് അറിയണമെന്നും ബന്സാലി പറഞ്ഞു.
സിനിമ ഡിസംബറോടെ തിയറ്ററുകളില് എത്തുമെന്നാണ് പ്രതിക്ഷിക്കുന്നത്. സഞ്ജയ് ലീല ബന്സാലി, മഹാവീര് ജയിന് ചേര്ന്ന് നിര്മ്മിക്കുന്ന ചിത്രത്തിന് തിരക്കഥ ഒരുക്കുന്നത് സഞ്ജയ് ത്രിപാഠിയാണ്.
