ബെയ്ജിംഗ്: ചൈന ഓപ്പണ്‍ ബാഡ്മിന്റണ്‍ ചാമ്പ്യന്‍ഷിപ്പില്‍ ഇന്ത്യയുടെ പിവി.സിന്ധു രണ്ടാം റൗണ്ടില്‍ കടന്നു.മുന്‍ ഒളിമ്പിക്‌സ് ജേതാവ് ചൈനയുടെ ലി ഷുയേറിയെ നേരിട്ടുള്ള ഗെയിമുകള്‍ക്ക് തകര്‍ത്താണ് സിന്ധു രണ്ടാം റൗണ്ടില്‍ കടന്നത്.സ്‌കോര്‍;21-18,21-12
ആദ്യ ഗെയിമില്‍ ചൈനീസ് താരം മുന്നേറിയെങ്കിലും രണ്ടാം റൗണ്ടില്‍ ഒരവസരം പോലും സിന്ധു കൊടുത്തില്ല.മികച്ച പ്രകടനം കാഴ്ചവെച്ച സിന്ധു ചൈനീസ് താരത്തെ അനായാസം മറികടന്നു.
നേരത്തെ ഇന്ത്യയുടെ സൈന നേഹ്‌വാള്‍ ചൈന ഓപ്പണിന്റെ ആദ്യ റൗണ്ടില്‍ പുറത്തായിരുന്നു.നേരിട്ടുള്ള ഗെയിമുകള്‍ക്കായിരുന്നു സൈനയുടെ തോല്‍വി.സ്‌കോര്‍;10-21,17-21.തായ്‌ലന്‍ഡിന്റെ ബുസാനന്‍ ഓംഗ്ബാംറുംഗ്ഫാന്‍ ആണ് സൈനയെ പരാജയപ്പെടുത്തിയത്.തുടര്‍ച്ചയായി രണ്ടാം തവണയാണ് തായ്‌ലന്‍ഡ് താരത്തിനോട് സൈന പരാജയപ്പെടുന്നത്.
