Business

കോര്‍പറേറ്റ് നികുതിയിളവില്‍ റെക്കോര്‍ഡ് നേട്ടവുമായി ഓഹരി വിപണി; 1075 പോയിന്റ് നേട്ടത്തില്‍ സെന്‍സെക്‌സ് ക്ലോസ് ചെയ്തു

മുംബൈ: സാമ്പത്തിക പരിഷ്‌കരണത്തിന്റെ ഭാഗമായി കോര്‍പറേറ്റ് നികുതി കുറച്ചതോടെ ഓഹരി വിപണിയില്‍ വന്‍ മുന്നേറ്റം. സെന്‍സെക്‌സ് 1075.41 പോയിന്റ് ഉയര്‍ന്ന് 39090.03ലും നിഫ്റ്റി 329.20 പോയിന്റ് നേട്ടത്തില്‍ 11,603.40 ത്തിലുമാണ് ക്ലോസ് ചെയ്തത്.

2020 ആകുന്നതോടെ സെന്‍സെക്‌സ് എക്കാലത്തെയും ഉയര്‍ന്ന നേട്ടത്തില്‍ എത്തുമെന്നു തന്നെയാണ് ബ്രേക്കിംഗ് ഹൗസുകളുടെ വിലയിരുത്തുന്നത്. ഐടി ഓഹരികളൊഴികെ എഫ് എംസിജി, ഇന്‍ഫ്രാ, വാഹനം,ബാങ്ക്, ലോഹം,ഊര്‍ജം എന്നീ വിഭാഗങ്ങളെല്ലാം മികച്ച നേട്ടം കൈവരിച്ചു.

നികുതി ഇളവ് വന്നതോടു കൂടി വിദേശ, ആഭ്യന്തര നിക്ഷേപകരുടെ എണ്ണത്തിലും വര്‍ദ്ധനവുണ്ടായിട്ടുണ്ട് എന്നാണ് റിപ്പോര്‍ട്ടുകള്‍. നിക്ഷേപകരുടെ സമ്പാദ്യത്തിലും റെക്കോര്‍ഡ് വര്‍ധനവാണ് ഉണ്ടായിട്ടുള്ളത്.

ബിഎസ്ഇയിലെ 1647 കമ്പനികളുടെ ഓഹരികള്‍ നേട്ടത്തിലും 951 ഓഹരികള്‍ നഷ്ടത്തിലുമാണ് വ്യാപാരം അവസാനിപ്പിച്ചത്. എല്‍ആന്റ്ടി, ഐടിസി, ഏഷ്യന്‍ പെയിന്റ്സ്, മാരുതി സുസുകി, ഐഷര്‍ മോട്ടോഴ്സ്, ഐസിഐസിഐ ബാങ്ക്, ബ്രിട്ടാനിയ, ഒഎന്‍ജിസി, ഹിന്ദുസ്ഥാന്‍ യൂണിലിവര്‍, ഐഒസി, എച്ച്ഡിഎഫ്സി ബാങ്ക്, ആക്സിസ് ബാങ്ക് തുടങ്ങിയവയുടെ ഓഹരികള്‍ നേട്ടത്തിലാണ്.

88 Shares

Scroll down for comments

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close