ആരാധകർ കാത്തിരുന്നമമ്മുട്ടി ചിത്രം മാമാങ്കത്തിന്റെ ടീസർ പുറത്തിറങ്ങി. ചിത്രത്തിന്റെ നിർമ്മാതാക്കളായ കാവ്യ ഫിലിംസിന്റെ യൂട്യൂബിലൂടെയാണ് ടീസർ പുറത്തിറക്കിയത്. കേരളത്തിലെ യുദ്ധവീരന്മാരുടെ പോരാട്ട വീര്യം വിളിച്ചോതുന്ന മാമാങ്കത്തിന്റെ ടീസര് പ്രേക്ഷകരെ ആവേശംകൊള്ളിക്കുന്നതാണ്.
മലയാളത്തിലെ ഏറ്റവും ചിലവേറിയ ചിത്രമായിരിക്കും മാമാങ്കമെന്നാണ് അണിയറപ്രവർത്തകരുടെ അവകാശം. അതോടൊപ്പം വടക്കൻ വീരഗാഥ, മാമാങ്കം എന്നീ ചിത്രങ്ങൾക്ക് ശേഷം മമ്മൂട്ടി പ്രധാനകഥാപാത്രത്തിലെത്തുന്ന ചരിത്ര സിനിമ എന്ന പ്രത്യേകതയുമുണ്ട് മാമാങ്കത്തിന്.
എം.പദ്മകുമാർ സംവിധാനം ചെയ്യുന്ന ചിത്രത്തിൽ മമ്മൂട്ടിയെ കൂടാതെ ഉണ്ണി മുകുന്ദൻ, അനു സിതാര, കനിഹ, സിദ്ദീഖ്,തരുൺ അറോറ, സുദേവ് നായർ, സുരേഷ് കൃഷ്ണ,മാസ്റ്റർ അച്യുതൻ തുടങ്ങിയവർ പ്രധാന വേഷങ്ങളിലെത്തും. കാവ്യ ഫിലിം കമ്പനിയുടെ ബാനറിൽ പ്രവാസി വ്യവസായിയായ വേണു കുന്നപ്പള്ളിയാണ് ഈ ചിത്രം നിർമ്മിച്ചിരിക്കുന്നത്. എം ജയചന്ദ്രനാണ് സംഗീത സംവിധാനം.
