ഒന്നര ദിവസം കൊണ്ട് ആമസോണില് വിറ്റഴിഞ്ഞത് 750 കോടിയുടെ ഫോണുകള്. സെപ്തംബര് 29 ന് ആരംഭിച്ച ആമസോണ് ഗ്രേറ്റ് ഇന്ത്യന് ഫെസ്റ്റിവലിലാണ് ഫോണുകള് വിറ്റഴിക്കപ്പെട്ടത്. വണ്പ്ലസ്, ആപ്പിള്, സാസംങ് എന്നീ ബ്രാന്ഡുകളുടെ ഫോണുകളാണ് ഏറ്റവും അധികം വിറ്റഴിക്കപ്പെട്ടത്. വണ്പ്ലസ് 7, ഐഫോണ് XR എന്നിവയ്ക്ക് പ്രത്യേക വിലക്കിഴിവാണ് സെയിലില് ഒരുക്കിയിരിക്കുന്നത്.
29,000 രൂപയ്ക്കാണ് വണ്പ്ലസ് 7 സെയിലില് വില്പന നടത്തുന്നത്. 400 രൂപ വരെ വിലക്കിഴിവാണ് വണ്പ്ലസ് 7 പ്രോയ്ക്ക് ഒരുക്കിയിരിക്കുന്നത്. 4,999 രൂപയാണ് റെഡ് മീ 7 എയ്ക്ക് ലഭിക്കുന്നത്. 44,999 രൂപയ്ക്കാണ് ഐഫോണ് XR ലഭിക്കുന്നത്. എല്ജി, ഹോണര്, വിവോ, റിയല് മീ, ഓപ്പോ, നോക്കിയ എന്നീ സ്മാര്ട്ട് ഫോണുകള്ക്കെല്ലാം വമ്പിച്ച വിലക്കുറവാണ് കമ്പനി നല്കിയിരിക്കുന്നത്.
രാജ്യത്തെ വിവിധ സ്ഥലങ്ങളില് നിന്നും വമ്പിച്ച ജനപങ്കാളിത്തമാണ് ഗ്രേറ്റ് ഇന്ത്യന് ഫെസ്റ്റിവലില് ഉണ്ടായിരിക്കുന്നത്. ധാരാളം ആളുകളാണ് ആമസോണ് പ്രൈംമെമ്പര്ഷിപ്പ് എടുത്തിരിക്കുന്നതെന്ന് ആമസോണ് ഇന്ത്യാ മേധാവി അമിത് അഗര്വാള് വ്യക്തമാക്കി.
സ്മാര്ട്ട് ഫോണുകള്ക്ക് പുറമെ ഇലക്ട്രോണിക് ഉപകരണങ്ങള്, ഗൃഹോപകരണങ്ങള്, ഫാഷന്, ഡ്യൂറബിള്സ് തുടങ്ങിയവയ്ക്കും വലിയ വിലക്കുറവാണുള്ളത്. എസ് ബി ഐ ഡെബിറ്റ്/ക്രെഡിറ്റ് കാര്ഡുള്ളവര്ക്ക് 10 ശതമാനം അധിക ഡിസ്കൗണ്ടും ലഭിക്കും. ഒക്ടോബര് നാല് വരെയാണ് സെയില്.