ഹൃതിക് റോഷനും ടൈഗര് ഷ്രോഫും ഒരുമിച്ച ചിത്രം വാര് ഇരുവരുടേയും കരിയറിലെ തന്നെ ഏറ്റവും മികച്ച കളക്ഷനാണ് നേടിയത്. നാലു ദിവസത്തിനിടെ ബോക്സോഫിസ് കളക്ഷനില് നേടിയത് 124 കോടി. ആമിര് ഖാന്റെ തഗ്സ് ഓഫ് ഹിന്ദുസ്ഥാന്, സല്മാന് ഖാന്റെ ഭാരത് എന്നീ ചിത്രങ്ങളെ പിന്തളളിയാണ് വാര് മുന്നിലെത്തിയത്.
നാലു ദിവസത്തെ ബോക്സോഫിസ് കളക്ഷനില് ആമീറിന്റെ ചിത്രത്തിന് 119 കോടിയാണ് ലഭിച്ചത്. സല്മാന്റെ ഭാരതിന് 122.20 കോടിയാണ് ലഭിച്ചത്. ചിത്രം എല്ലാ ഭാഷകളിലും 100 കോടി കടന്നെന്നാണ് ഫിലിം ട്രേഡ് അനലിസ്റ്റ് തരന് ആദര്ശ് വ്യക്തമാക്കിയത്. റിലീസ് ദിവസം തഗ്സ് ഓഫ് ഹിന്ദുസ്ഥാന് നേടിയത് 51.60 കോടിയാണ്.
ഗാന്ധി ജയന്തി ദിനത്തിലാണ് വാര് റിലീസ് ചെയ്തത്. മൂന്നു ദിവസത്തിനിടെയാണ് വാര് 100 കോടി ക്ലബില് കയറിയത്. തഗ്സ് ഓഫ് ഹിന്ദുസ്ഥാന്, ധൂം ത്രീ, സുല്ത്താന്, ടൈഗര് സിന്ദാ ഹെ തുടങ്ങിയവയാണ് മൂന്നു ദിവസത്തിനുള്ളില് 100 കോടി കടന്ന മറ്റു ചിത്രങ്ങള്.
ഇന്ത്യന് സൈനികരെ പരിശീലിപ്പിക്കുന്ന കമാന്ഡറും അദ്ദേഹം ഏറ്റെടുക്കുന്ന ദുഷ്ക്കരമായ ദൗത്യങ്ങളുമാണ് ചിത്രത്തിന്റെ പ്രമേയം. പ്രത്യേക സാഹചര്യത്തില് ശത്രുവായി മുദ്ര കുത്തപ്പെടുന്ന കമാന്ഡര്ക്കെതിരെ ശിഷ്യന് എത്തുന്നു. ഇവര് തമ്മിലുള്ള ഏറ്റുമുട്ടലുമാണ് ചിത്രത്തില് പറയുന്നത്. കമാന്ഡര് കബീര് ആയി ഹൃത്വിക് റോഷന് എത്തുമ്പോള് ശിഷ്യനായി ടൈഗര് ഷ്രോഫും എത്തുന്നു.
സിദ്ധാര്ഥ് ആനന്ദ് സംവിധാനം ചെയ്ത ചിത്രം യഷ് രാജ് ഫിലിംസിന്റെ ബാനറില് ആദ്യത്യ ചോപ്രയാണ് നിര്മ്മിക്കുനനത്. മലയാളിയായ സുരേഷ് നായരാണ് ചിത്രത്തിന്റെ തിരക്കഥ ഒരുക്കിയത്. ചിത്രത്തില് നായികയായി എത്തുന്നത് വാണി കപൂര് ആണ്.
#War benchmarks…
⭐️ Fifth #YRF film to cross ₹ 💯 cr in 3 days, after #Dhoom3, #Sultan, #TZH and #TOH.
⭐️ #Highest grossing *first 3 days* for #HrithikRoshan, #TigerShroff and director #SiddharthAnand.#India biz.— taran adarsh (@taran_adarsh) October 5, 2019