Business

മികച്ച സേവനം, സുരക്ഷിത ഡിജിറ്റല്‍ ബാങ്കിംഗ്; രാജ്യ വ്യാപകമായി കസ്റ്റമര്‍ മീറ്റുമായി എസ്ബിഐ

കൊച്ചി: മികച്ച സേവനം ഉറപ്പാക്കുക എന്ന ലക്ഷ്യത്തോടെ രാജ്യവ്യാപകമായി കസ്റ്റമര്‍ മീറ്റുമായി സ്റ്റേറ്റ് ബാങ്ക് ഓഫ് ഇന്ത്യ. രാജ്യത്ത് 517 കേന്ദ്രങ്ങളിലാണ് മീറ്റ് സംഘടിപ്പിച്ചത്. കേരളത്തിലെ തെരഞ്ഞെടുക്കപ്പെട്ട 29 പ്രാദേശിക ഹെഡ് ഓഫീസുകളിലും കസ്റ്റമര്‍ മീറ്റ് സംഘടിപ്പിച്ചിരുന്നു

ഡിജിറ്റല്‍ ബാങ്കിംഗ് ഉപയോഗിക്കുന്നതിന്റെ സൗകര്യങ്ങള്‍, സുരക്ഷിതമായി ഡിജിറ്റല്‍ ബാങ്കിംഗ് എങ്ങനെ നടത്താം, അതിനായി പാലിക്കേണ്ട മുന്‍കരുതലുകള്‍ തുടങ്ങിയവയെക്കുറിച്ച് ഉപഭോക്താക്കളില്‍ അവബോധമുണ്ടാക്കുകയാണ് കസ്റ്റമര്‍ മീറ്റിന്റെ പ്രധാന ലക്ഷ്യം. മീറ്റില്‍ ബാങ്കിന്റെ ഉന്നത ഉദ്യോഗസ്ഥര്‍ പങ്കെടുത്തു.

Loading...

ഇടപാടുകാര്‍ക്ക് ബാങ്ക് ഉദ്യോഗസ്ഥരുമായി ആശയവിനിമയം, പരാതി, നിര്‍ദ്ദേശം തുടങ്ങിയ നടത്താനും മീറ്റില്‍ അവസരം ലഭിച്ചു. ബാങ്കിന്റെ പ്രവര്‍ത്തനങ്ങള്‍, ഉത്പന്നങ്ങള്‍ തുടങ്ങിയവ മെച്ചപ്പെടുത്തുന്നതിനുള്ള നിര്‍ദ്ദേശങ്ങള്‍ മീറ്റില്‍ ഇടപാടുകാര്‍ മുന്നോട്ടു വെച്ചു.

ഇടപാടുകാരുമായി ബന്ധപ്പെട്ടു പ്രവര്‍ത്തിക്കുന്നതിന് ബാങ്ക് മികച്ച പരിഗണനയാണ് നല്‍കുന്നത്. ഇതൊരു തുടര്‍ പരിപാടിയായിട്ടാണ് ബാങ്ക് കാണുന്നത്. ഇടപാടുകാര്‍ക്ക് പ്രയാസമില്ലാതെ ഏറ്റവും മികച്ച സേവനം ലഭ്യമാക്കുവാന്‍ ബാങ്ക് പ്രതിജ്ഞാബദ്ധമാണെന്നും എസ്ബിഐയുടെ റീട്ടെയില്‍ ആന്‍ഡ് ഡിജിറ്റല്‍ ബാങ്കിംഗ് മാനേജിംഗ് ഡയറക്ടര്‍ പി. കെ. ഗുപ്ത പറഞ്ഞു.

24 Shares

Scroll down for comments

Loading...

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..

Back to top button
Close