വെയില് കത്തി നില്ക്കുന്ന സമയത്തും ചൂടുകാലത്തും ഇരുചക്ര വാഹനത്തിലുള്ള യാത്ര അസഹനീയമാണ്. തലയില് ഹെല്മറ്റ് വെച്ചിട്ടുണ്ടെങ്കിലുള്ള അവസ്ഥ പറയുകയും വേണ്ട. ബൈക്കില് എസി ഇല്ലാത്തതിനാല് എത്ര കൊടും ചൂടാണെങ്കിലും സഹിച്ച് യാത്ര ചെയ്തേ പറ്റൂ. എന്നാല് ചൂട് സമയത്ത് തല കൂളാക്കാന് ഉപകരിക്കുന്ന സംവിധാനമാണ് ഹെല്മറ്റ് കൂളറുകള്.
ഇന്ത്യയില് ഹെല്മറ്റ് കൂളര് പുറത്തിറക്കുന്ന പ്രമുഖ കമ്പനികളിലെന്നാണ് ആപ്പ്ടെനര് മൈക്കാട്രോണിക്സ്. ബ്ലൂആര് നിരയില് ബ്ലൂE20 എന്ന പേരിലുള്ള പുതിയ ഹെല്മറ്റ് കൂളറുമായി എത്തിയിരിക്കുകയാണ് ആപ്പ്ടെനര് മെക്കാട്രോണിക്സ്.
2020 ജനുവരിയില് ലാസ് വെഗാസില് നടക്കുന്ന കണ്സ്യൂമര് ഇലക്ട്രോണിക് ഷോയിലാണ് ഹെല്മറ്റ് കൂളര് അവതരിപ്പിക്കുക. ബ്ലീസ്നാപ്പ്, ബ്ലൂസ്നാപ്പ് 2 എന്നീ ഹൈല്മറ്റ് കൂളറുകള്ക്ക് പിന്നാലെയാണ് പുതിയ പതിപ്പായ ബ്ലൂ3 വിപണിയിലെത്തുന്നത്. ഫുള്ഫെയ്സ് ഹെല്മറ്റുകളില് മാത്രമെ ഈ കൂളര് സംവിധാനം ഉപയോഗപ്പെടുത്താന് കഴിയൂ.
പുതിയ കൂളറിന്റെ പ്രവര്ത്തനം വ്യക്തമാക്കുന്ന ഒരു വീഡിയോ കമ്പനി പുറത്തു വിട്ടിട്ടുണ്ട്. അന്തരീക്ഷ താപനില മനസിലാക്കി ഹെല്മറ്റിനുള്ളിലെ താപനില കുറയ്ക്കാന് കൂളറിന് കഴിയും. റൂം കൂളറിന്റെ അതേ അടിസ്ഥാനത്തിലാണ് ഹംല്മറ്റ് കൂളറിന്റേയും പ്രവര്ത്തനം. പൊടിപടലങ്ങള് പൂര്ണമായും അകറ്റിയാണ് വായു ഹെല്മറ്റിനുള്ളിലേക്കെത്തുന്നത്.
പുതുതായി ഒരു ഹെഡ്സെറ്റ് പാര്ട്ട്സ് ബ്ലൂ3 യില് ഇടം നേടിയിട്ടുണ്ട്. സമാര്ട്ട് ഫോണുമായി കണക്ട്റ്റ് ചെയ്ത് വിവരങ്ങള് അറിയിക്കാനാണ് ഹെഡ്സെറ്റ്. ഫോണിലെ നോട്ടിഫിക്കേഷന്, നാവിഗേഷന്, ടെക്സ്റ്റ്, മെസേജ് വായന എന്നീ സൗകര്യങ്ങള് കൂളറിലെ ഹെഡ്സെറ്റ് വഴി ലഭ്യമാകും. ബ്ലൂ3 കൂളറിന്റെ വില കമ്പനി വ്യക്തമാക്കിയിട്ടില്ല.