Business

സൊമാറ്റോയുടെ ഗോള്‍ഡ് മെമ്പര്‍ഷിപ്പ് പദ്ധതിയ്ക്ക് തിരിച്ചടി; സ്‌കീമില്‍ നിന്നും പിന്മാറുമെന്ന് ഹോട്ടലുടമകള്‍

ന്യൂഡല്‍ഹി: ഓണ്‍ലൈന്‍ ഭക്ഷ്യവിതരണ ശൃംഖലയായ സൊമാറ്റോയുടെ ഗോള്‍ഡ് മെമ്പര്‍ഷിപ്പ് പദ്ധതിയ്ക്ക് തിരിച്ചടി. ഇന്ത്യന്‍ ഹോട്ടല്‍ ആന്‍ഡ് റെസ്റ്റോറന്റ് അസോസിയേഷന് കീഴിലെ 8,000 ത്തോളം ഹോട്ടലുടമകള്‍ സൊമാറ്റോ ഗോള്‍ഡ് ഡെലിവറി സ്‌കീമില്‍ നിന്നും പിന്‍വാങ്ങും. ഗോള്‍ഡ് ഡെലിവറി സര്‍വ്വീസ് സ്‌കീം അവസാനിപ്പിക്കാതെ ഇനി ഒരുമിച്ച് മുന്നോട്ട് പോകില്ലെന്ന് സൊമറ്റോ കമ്പനിയോട് വ്യക്തമാക്കിയതായി അസോസിയേഷന്‍ പ്രസിഡന്റ് സന്തോഷ് ഷെട്ടി പറഞ്ഞു.

വിവിധ വിഷയങ്ങളിലെ ആശങ്കകള്‍ ആവര്‍ത്തിച്ച് ഉന്നയിച്ചിട്ടും ഇത് പരിഹരിക്കാനായി കമ്പനിയുടെ ഭാഗത്ത് നിന്നും യാതൊരു നടപടിയും ഉണ്ടായിട്ടില്ല. സൊമാറ്റോ ഗോള്‍ഡില്‍ നല്‍കുന്ന വന്‍ ഇളവുകള്‍, ഡെലിവറി എക്സിക്യൂട്ടീവുകളുടെ ക്ഷാമം എന്നീ വിഷയങ്ങളായിരുന്നു ഹോട്ടലുടമകള്‍ ഉയര്‍ത്തിയിരുന്നത്. എന്നാല്‍ ഹോട്ടലുടമകളുടെ ആശങ്കകള്‍ പരിഹരിക്കാന്‍ കമ്പനി തയ്യാറായിരുന്നില്ല. ഇതോടെയാണ് ഗോള്‍ഡ് സര്‍വ്വീസ് സ്‌കീം അവസാനിപ്പിക്കാതെ മുന്നോട്ട് പോകില്ലെന്ന തീരുമാനം ഹോട്ടലുടമകള്‍ സ്വീകരിച്ചത്.

Loading...

2017 ലാണ് സൊമാറ്റോ ഗോള്‍ഡ് പദ്ധതി ആരംഭിക്കുന്നത്. പദ്ധതി ആരംഭിച്ച സമയം മുതല്‍ ഹോട്ടലുടമകള്‍ ഇതിനെ എതിര്‍ത്തിരുന്നു. ഗോള്‍ഡ് പദ്ധതിയില്‍ നിന്നും ഹോട്ടലുടമകള്‍ക്ക് ലാഭമില്ലെന്നും സൊമാറ്റോയ്ക്ക് മാത്രമാണ് ലാഭം കിട്ടുന്നതെന്നും പരാതി ഉയരുന്നുണ്ട്.

64 Shares

Scroll down for comments

Loading...

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..

Back to top button
Close