ഭുവനേശ്വര്: ടീം ഇന്ത്യയുടെ പരമ്പരനേട്ടം കാണാനായി ആവേശപൂര്വ്വം ഭുവനേശ്വര് ഒരുങ്ങി. ഇന്നലെ എത്തിച്ചേര്ന്ന ഇന്ത്യന് ടീമിനും വെസ്റ്റിന്ഡീസിനും ഒടീഷ ആവേശകരമായ സ്വീകരണമാണ് നല്കിയിരിക്കുന്നത്. മൂന്നാമത്തേതും അവസാനത്തേതുമായ ഏകദിനം ഞായറാഴ്ചയാണ് നടക്കുന്നത്.
A warm and traditional welcome for #TeamIndia in Bhubaneswar.#INDvWI pic.twitter.com/Xw1IL7g6gU
— BCCI (@BCCI) December 19, 2019
പരമ്പരാഗതമായി ഷാളുകള് അണിയിച്ചും സിന്ദൂരം ചാര്ത്തിയുമാണ ടീമുകളെ ഹോട്ടലിലേക്കും സ്വീകരിച്ചാനയിച്ചത്. നിലവില് 1-1ന് സമനിലയില് നില്ക്കുന്ന മത്സരം അവേശകരമായ അന്ത്യത്തിലേക്കാണ് നീങ്ങുന്നത്. ആദ്യമത്സരത്തില് മികച്ച ബാറ്റിംഗ് പുറത്തെടുത്ത പൊള്ളാര്ഡും കൂട്ടരും രണ്ടാം മത്സരത്തില് ഇന്ത്യയുടെ ഓവറോള് പ്രകടനത്തില് തകര്ന്നു പോയി. അതിനാല്ത്തന്നെ തുല്യ ശക്തികളുടെ പ്രകടനമായിട്ടാണ് കളിവിദഗ്ധര് ഇന്ത്യാ-വിന്ഡീസ് പോരാട്ടത്തെ കാണുന്നത്.
രണ്ടാം ഏകദിനത്തില് 159 റണ്സ് നേടിയ രോഹിത് ശര്മയും 102 റണ്സോടെ മികവുകാട്ടിയ രാഹുലും ഇന്ത്യയുടെ ബാറ്റിംഗില് കരുത്തായി മാറി. ബൗളിംഗില് ഹാട്രിക് നേടി കുല്ദീപ് യാദവ് നടത്തിയ മിന്നും പ്രകടനവും ഇന്ത്യക്ക് സമ്മാനിച്ചത് 107 റണ്സിന്റെ ഉശിരന് വിജയമായിരുന്നു. മികച്ച ഫോമിലുള്ള മുന് നിര ബാറ്റിംഗ് നിരയാണ് വിന്ഡീസിന്റെ കരുത്ത്. അവരെ പുറത്താക്കാനായാല് പരമ്പര ഇന്ത്യക്ക് സ്വന്തമാകും.
