Business

ലക്ഷ്യം 7,000 കോടി, നേടിയത് 12,000 കോടി; ഭാരത് ബോണ്ട് ഇടിഎഫിന് ലഭിച്ചത് 1.7 മടങ്ങ് അപേക്ഷകള്‍

ഭാരത് ബോണ്ട് ഇടിഎഫിന്റെ എന്‍എഫ്ഒയ്ക്ക് ലഭിച്ചത് 1.7 മടങ്ങ് അപേക്ഷകളെന്ന് റിപ്പോര്‍ട്ട്. 7,000 കോടി രൂപ സമാഹരിക്കാന്‍ ലക്ഷ്യമിട്ടാണ് ബോണ്ട് പുറത്തിറക്കിയത്. എന്നാല്‍ സമാഹരിച്ചതോ 12,000 രൂപ. വെള്ളിയാഴ്ചയായിരുന്നു അപേക്ഷ സ്വീകരിക്കുന്ന അവസാന ദിവസം.

ആദ്യമായാണ് രാജ്യത്ത് കോര്‍പ്പറേറ്റ് ബോണ്ട് ഇടിഎഫ് പുറത്തിറക്കുന്നത്. 2023-ല്‍ കാലാവധിയെത്തുന്ന മൂന്നു വര്‍ഷത്തയും 2030-ല്‍ കാലാവധി എത്തുന്ന പത്തുവര്‍ഷത്തെയും ബോണ്ടുകളാണ് ഇടിഎഫ് പുറത്തിറക്കിയത്. മൂന്നു വര്‍ഷത്തെ ബോണ്ടിന് 6.69 ശതമാനവും പത്തു വര്‍ഷത്തെ ബോണ്ടിന് 7.58 ശതമാനവും വാര്‍ഷികാദായവും ലഭിക്കും.

മാത്രമല്ല ഡീമാറ്റ് അക്കൗണ്ട് ഇല്ലാത്തവര്‍ക്ക് ഭാരത് ബോണ്ട് ഫണ്ട്‌സ് ഓഫ് ഫണ്ട്‌സും പുറത്തിറക്കി. നിക്ഷേപകര്‍ക്ക് ഇതില്‍ എപ്പോള്‍ വേണമെങ്കിലും നിക്ഷേപിക്കുകയും നിക്ഷേപം പിന്‍വലിക്കുകയും ചെയ്യാവുന്നതാണെന്ന് അധികൃതര്‍ അറിയിച്ചു.

219 Shares

Scroll down for comments

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..

Back to top button
Close