2020ല് പ്രമുഖ കമ്പനികളെല്ലാം തന്നെ ഇലക്ട്രിക് വാഹനങ്ങള് അവതരിപ്പിക്കാന് തയ്യാറെടുക്കുകയാണ്. ഇന്ത്യയില് ഇലക്ട്രിക് വാഹന വിപണി സജീവമാകാനൊരുങ്ങുന്ന സാഹചര്യത്തില് ഇലക്ട്രിക് വാഹനങ്ങളിലേക്ക് യമഹയും ചുവടുവെക്കുന്നു. അധികം വൈകാതെ തന്നെ ഇന്ത്യന് വിപണിയില് ഇലക്ട്രിക്ക് സ്കൂട്ടര് അവതരിപ്പിക്കുമെന്ന് കമ്പനി വ്യക്തമാക്കി കഴിഞ്ഞു.
തായ്വാനില് ഓഗസ്റ്റ് മാസത്തിലാണ് EC-05 എന്ന പുതിയ മോഡലിനെ കമ്പനി അവതരിപ്പിച്ചത്. നിലവനില് തായ് വാനില് മാത്രം ഏകദേശം അഞ്ച് ഇലക്ട്രിക് വാഹനങ്ങള് യമഹ വില്ക്കുന്നുണ്ട്. എന്നാല് ഇന്ത്യയിലേക്ക് എത്തുമ്പോള് വ്യക്തമായ പഠനങ്ങള് നടത്തിയതിന് ശേഷമേ ഇലക്ട്രിക്ക് വാഹനത്തെ അവതരിപ്പിക്കുകയുള്ളൂ എന്ന് കമ്പനി അറിയിച്ചു.
നിലവില് സ്കൂട്ടര് സംബന്ധിച്ച് മറ്റ് വിവരങ്ങള് ഒന്നും യമഹ വെളിപ്പെടുത്തിയിട്ടില്ല. ബജാജിന്റെ ചേതക് ഇലക്ട്രിക്ക് തന്നെയാകും യമഹയുടെ എതിരാളി. വിപണിയില് അവതരിപ്പിച്ചെങ്കിലും ജനുവരി മാസത്തോടെ ചേതക്കിനെ വില്പ്പനയ്ക്ക് എത്തിക്കാനാണ് ബജാജ് പദ്ധതിയിട്ടിരിക്കുന്നത്.
