ന്യൂഡല്ഹി: ശ്രീലങ്കക്കെതിരെ ഇന്ത്യയുടെ മികച്ച ജയത്തെ പ്രശംസിച്ച് മുന് ഓപ്പണര് ഗൗതം ഗംഭീര് രംഗത്ത്. രണ്ടാം ടി20യില് ഇന്ത്യന് ഓപ്പണര് രാഹുലിന്റ മികച്ച ബാറ്റിംഗാണ് ഗംഭീറിനെ ആവേശഭരിതനാക്കിയത്. ശിഖര് ധവാനേക്കാള് ടി20യില് രാഹുലിനാണ് സാധ്യതയെന്നും ഗംഭീര് പറഞ്ഞു.
143 എന്ന ലക്ഷ്യവുമായി പരമ്പരയിലെ രണ്ടാം മത്സരത്തില് മറുപടി ബാറ്റിംഗിനിറങ്ങിയ ഇന്ത്യക്കായി ഓപ്പണറായി ഇറങ്ങിയ രാഹുല് പവര്പ്ലേ സമയത്താണ് അതിവേഗം റണ്സ് എടുത്തത്. 32 പന്തില് 45 റണ്സ് നേടിയതോടെ തുടക്കം ഭദ്രമാക്കാനും രാഹുലിനായി. ഇതു കണ്ടിട്ടാണ് ഇന്ത്യക്കായി വേണമെങ്കില് ടെസ്ററിലും 50 പന്തില് സെഞ്ച്വറി നേടാന് രാഹുലിന്റെ സ്വാഭാവിക കളികൊണ്ട് സാധിക്കുമെന്ന് ഗംഭീര് ഉറപ്പിച്ചു പറഞ്ഞത്.
