ഇലക്ട്രിക് എയര് ടാക്സിക്കായി സൗത്ത് കൊറിയന് കമ്പനിയായ ഹ്യൂണ്ടായി മോട്ടോറും ഓണ്ലൈന് ടാക്സി കമ്പനിയായ ഊബറും കൈക്കോര്ക്കുന്നു. അടുത്തിടെ നടന്ന കണ്സ്യൂമര് ഇലക്ട്രോണിക് ഷോ 2020-യില് എയര് ടാക്സിയുടെ മാതൃക കമ്പനി അവതരിപ്പിച്ചു. ഊബറുമായി കൈക്കോര്ക്കുന്ന ആദ്യത്തെ ഓട്ടോമോട്ടിവ് കമ്പനിയാണ് ഹ്യൂണ്ടായി.
പറക്കും കാറുകള് വികസിപ്പിക്കാന് ഊബറും ഹ്യുണ്ടായിയും വ്യത്യസ്ത സമയപരിധിയാണ് നിശ്ചയിച്ചിരിക്കുന്നത്. 2023-ഓടെ ‘ഊബര് എയര്’ അവതരിപ്പിക്കാനുള്ള ശ്രമത്തിലാണെന്ന് ഊബര് എലിവേറ്റ് തലവന് എറിക് അലിസണ് പറഞ്ഞു. എന്നാല്, പറക്കും കാറുകള് 2028-ഓടെ യാഥാര്ത്ഥ്യമാക്കുമെന്നാണ് ഹ്യുണ്ടായ് എക്സിക്യുട്ടീവ് വൈസ് ചെയര്മാന് ഈയുസണ് ചുങ് വ്യക്തമാക്കിയത്.
പൈലറ്റ് ഉള്പ്പെടെ 5 പേര്ക്ക് എയര് ടാക്സിയില് യാത്ര ചെയ്യാം. ഒറ്റ ചാര്ജില് നൂറു കിലോമീറ്റര് വരെ ദൂരം പറക്കാന് എയര് ടാക്സിക്ക് സാധിക്കുമെന്ന് കമ്പനി അവകാശപ്പെടുന്നു. 1000 അടി മുതല് 2000 അടി ഉയരത്തിലൂടെയാണ് എയര് ടാക്സി സഞ്ചരിക്കുക. നിലവില് പൈലറ്റിനെ ഉപയോഗിച്ച് എയര് ടാക്സി പറത്താനാണ് തീരുമാനം. പിന്നാലെ പൈലറ്റില്ലാത്ത വാഹനമായി എയര് ടാക്സി മാറുമെന്നും കമ്പനി അറിയിച്ചു.
റണ്വേയില് സഞ്ചരിച്ച് ടേക്ക് ഓഫ് ചെയ്യുന്നതിനു പകരം, നില്ക്കുന്ന പ്രതലത്തില്നിന്ന് ഹെലികോപ്റ്റര് ഉയര്ന്നുപൊങ്ങുന്നതു പോലെയുള്ള ‘ടേക്ക് ഓഫും’ ‘ലാന്ഡി’ങ്ങും നടത്താന് ശേഷിയുള്ള കാറുകള് വികസിപ്പിക്കാനാണ് കമ്പനികള് ശ്രമിക്കുന്നത്. എന്നാല്, ഇത്തരം കാറുകള് വികസിപ്പിക്കാന്