Vehicle

2020 ഓട്ടോ എക്‌സ്‌പോയില്‍ പ്രദര്‍ശനത്തിനൊരുങ്ങി പുത്തന്‍ താര്‍, ചിത്രങ്ങള്‍ വൈറല്‍

വാഹന പ്രേമികളുടെ ഏറെ നാളത്തെ കാത്തിരിപ്പിന് വിരാമമിട്ട് മഹീന്ദ്ര താര്‍
പ്രദര്‍ശനത്തിനെത്തുന്നു. ഈ വര്‍ഷം ഫെബ്രുവരിയില്‍ ഡല്‍ഹിയില്‍ നടക്കാനിരിക്കുന്ന ഓട്ടോ എക്‌സ്‌പോയില്‍ ഥാര്‍ പ്രദര്‍ശിപ്പിക്കാനാണ് മഹീന്ദ്ര ലക്ഷ്യമിടുന്നതെന്നാണ് റിപ്പോര്‍ട്ട്. പുത്തന്‍ താറിന്റെ ചിത്രങ്ങളാണ് സമൂഹമാദ്ധ്യമങ്ങളില്‍ ഇപ്പോള്‍ വ്യാപകമായി പ്രചരിക്കുന്നത്.

ഇതിനു മുന്‍പും താറിന്റെ ചില ചിത്രങ്ങള്‍ പുറത്തുവന്നിരുന്നു. പഴയ മോഡലില്‍ നിന്നും ഏറെ വ്യത്യസ്തമായ രൂപമാണ് പുത്തന്‍ താറിന് മഹീന്ദ്ര നല്‍കിയിരിക്കുന്നത്. ജീപ്പ് റാംഗ്ലറിനെ അനുസ്മരിപ്പിക്കുന്ന വാഹനമാണ് പുതുതായി എത്തുന്നത്. റാംഗ്ലറിന്റേതിനു സമാനമായി ഊരി മാറ്റാവുന്ന ഹാര്‍ഡ്‌ടോപ് മോഡലിലും താര്‍ ലഭ്യമാകും. മഹീന്ദ്രയുടെ തന്നെ എക്‌സ്യുവി 500ന്റെ പെട്രോള്‍ പതിപ്പിലുള്ള 2.2 ലിറ്റര്‍ പെട്രോള്‍ എന്‍ജിന്റെ ബിഎസ് 6 പതിപ്പാണ് പുതിയ താറിലുണ്ടാകുക. ഇത് 140 ബിഎച്ച്പി പവറും 320 എന്‍എം ടോര്‍ക്കും ഉത്പാദിപ്പിക്കും. ടോര്‍ക്ക് കണ്‍വര്‍ട്ടര്‍ ഓട്ടോമാറ്റിക് ഗിയര്‍ബോക്‌സും പുത്തല്‍ താറിലുണ്ടാകും.

കാഴ്ചയില്‍ പ്രകടമായ മാറ്റങ്ങളുമായെത്തുന്ന താറിന്റെ മുന്‍ഭാഗത്ത് ഏഴ് സ്ലാറ്റ് ഗ്രില്‍ നല്‍കിയിട്ടുണ്ട്. വൃത്താകൃതിയിലുള്ള ഹെഡ്‌ലാമ്പും എല്‍ഇഡി ഇന്‍ഡിക്കേറ്ററും വാഹനത്തിന്റെ കരുത്ത് പ്രകടമാക്കുന്ന തരത്തിലാണ് രൂപകല്‍പ്പന ചെയ്തിരിക്കുന്നത്. വലുപ്പം കൂട്ടി കൂടുതല്‍ കരുത്തനായാണ് പുതിയ താര്‍ എത്തുന്നത്. പഴയ വാഹനത്തില്‍ നിന്ന് വ്യത്യസ്തമായി ബ്ലാക്ക് ഫിനിഷിലാണ് ഇന്റീരിയര്‍ ഒരുക്കിയിരിക്കുന്നത്. ടോപ്പ് എന്‍ഡില്‍ വലിയ ടച്ച് സ്‌ക്രീന്‍ ഇന്‍ഫോടെയ്ന്‍മെന്റ് സിസ്റ്റവും നല്‍കിയിട്ടുണ്ട്. ഒപ്പം ഡ്യുവല്‍ എയര്‍ ബാഗും എബിഎസും വാഹനത്തിന്റെ സുരക്ഷ വര്‍ധിപ്പിക്കുന്നു.

163 Shares

Scroll down for comments

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..

Back to top button
Close