ബംഗളുരു: ഉത്പന്നങ്ങള്ക്ക് ഓഫര് പെരുമഴ പ്രഖ്യാപിച്ച് രാജ്യത്തെ പ്രമുഖ ഇ-കൊമേഴ്സ് സ്ഥാപനമായ ഫ്ളിപ്പ് കാര്ട്ട് റിപ്പബ്ലിക് ഡേ സെയില് എത്തുന്നു. ജനുവരി 19 മുതല് 22 വരെയാണ് സെയില്. ചരിത്രത്തിലെ ഏറ്റവും വലിയ വില്പ്പനയ്ക്കാണ് ഫ്ളിപ്പ് കാര്ട്ട് ഒരുങ്ങുന്നത്. സ്മാര്ട്ട് ഫോണ്, ടിവി, ഇലക്ട്രോണിക് ഉപകരണങ്ങള്, ഫാഷന് ഉല്പന്നങ്ങള്, സൗന്ദര്യ വര്ധക വസ്തുക്കള്, ഗൃഹോപകരണങ്ങള്, ഡ്യൂറബിള്സ് എന്നിങ്ങനെ വിവിധ ഉല്പന്നങ്ങള്ക്ക് വമ്പിച്ച വിലക്കിഴിവാണ് കമ്പനി വാഗ്ദാനം നല്കിയിരിക്കുന്നത്.
റെഡ്മി 8 എ, മോട്ടറോള വണ് ആക്ഷന് എന്നിവയ്ക്ക് വന് വിലക്കുറവാണ് പ്രഖ്യാപിച്ചിരിക്കുന്നത്. 6,499 രൂപ വിലയുള്ള റെഡ്മി 8 എ 5,999 രൂപയ്ക്ക് വാങ്ങാം. 10,999 രൂപയ്ക്ക് വിറ്റിരുന്ന മോട്ടറോള വണ് ആക്ഷന് 8,999 രൂപയ്ക്കാണ് സെയിലില് വിറ്റഴിക്കുന്നത്.
സ്മാര്ട്ട് വാച്ചുകള്, ഹെഡ്ഫോണുകള്, സ്പീക്കറുകള് എന്നിവയ്ക്കും വന് വിലക്കിഴിവാണ് ലഭിക്കുക. ഡിജിറ്റല് ക്യാമറകള്, ആപ്പിള് ഐപാഡ് മിനി, ആപ്പിള് ഐപാഡ് എയര്, ആപ്പിള് ഐപാഡ് പ്രോ, വാവെയ് എം 5 ലൈറ്റ്, ഓണര് മീഡിയാപാഡ് ടി3 തുടങ്ങിയ ടാബ്ലെറ്റുകള്ക്കും ആകര്ഷകമായ ഓഫറുകളാണ് പ്രഖ്യാപിച്ചിരുന്നത്.
ഐസിഐസിഐ ബാങ്ക് ക്രെഡിറ്റ് കാര്ഡുകള്, കൊട്ടക് മഹീന്ദ്രാ ബാങ്ക് ഡെബിറ്റ് കാര്ഡുകള് ഉപയോഗിച്ച് ഉല്പന്നങ്ങള് വാങ്ങുന്നവര്ക്ക് പ്രത്യേക ഓഫറുകള് ലഭിക്കും.
