ബംഗളുരു: ഉത്പന്നങ്ങള്ക്ക് ഓഫര് പെരുമഴയുമായി രാജ്യത്തെ ഇ- കൊമേഴ്സ് വമ്പന്മാരായ ആമസോണിന്റേയും ഫ്ളിപ്പ് കാര്ട്ടിന്റേയും സെയിലിന് നാളെ തുടക്കം. ജനുവരി 22 വരെയാണ് സെയില്.
സ്മാര്ട്ട് ഫോണ്, ടിവി, ഇലക്ട്രോണിക് ഉപകരണങ്ങള്, ഫാഷന് ഉല്പന്നങ്ങള്, സൗന്ദര്യ വര്ധക വസ്തുക്കള്, ഗൃഹോപകരണങ്ങള്, ഡ്യൂറബിള്സ് എന്നിങ്ങനെ വിവിധ ഉല്പന്നങ്ങള്ക്ക് വമ്പിച്ച വിലക്കിഴിവാണ് ഇരുകമ്പനികളും വാഗ്ദാനം നല്കിയിരിക്കുന്നത്.
സ്മാര്ട്ട് വാച്ചുകള്, ഹെഡ്ഫോണുകള്, സ്പീക്കറുകള് എന്നിവയ്ക്കും വന് വിലക്കിഴിവാണ് ലഭിക്കുക. ഡിജിറ്റല് ക്യാമറകള്, ആപ്പിള് ഐപാഡ് മിനി, ആപ്പിള് ഐപാഡ് എയര്, ആപ്പിള് ഐപാഡ് പ്രോ, വാവെയ് എം 5 ലൈറ്റ്, ഓണര് മീഡിയാപാഡ് ടി3 തുടങ്ങിയ ടാബ്ലെറ്റുകള്ക്കും ആകര്ഷകമായ ഓഫറുകളാണ് ഫ്ളിപ്പ് കാര്ട്ടില് പ്രഖ്യാപിച്ചിരുന്നത്.
റെഡ്മി 8 എ, മോട്ടറോള വണ് ആക്ഷന് എന്നിവയ്ക്ക് വന് വിലക്കുറവാണ് പ്രഖ്യാപിച്ചിരിക്കുന്നത്. 6,499 രൂപ വിലയുള്ള റെഡ്മി 8 എ 5,999 രൂപയ്ക്ക് വാങ്ങാം. 10,999 രൂപയ്ക്ക് വിറ്റിരുന്ന മോട്ടറോള വണ് ആക്ഷന് 8,999 രൂപയ്ക്കാണ് ഫ്ളിപ്പ് കാര്ട്ടിന്റെ റിപ്പബ്ലിക് ഡേ സെയിലില് വിറ്റഴിക്കുന്നത്. ഐസിഐസിഐ ബാങ്ക് ക്രെഡിറ്റ് കാര്ഡുകള്, കൊട്ടക് മഹീന്ദ്രാ ബാങ്ക് ഡെബിറ്റ് കാര്ഡുകള് ഉപയോഗിച്ച് ഉല്പന്നങ്ങള് വാങ്ങുന്നവര്ക്ക് ഫ്ളിപ്പ് കാര്ട്ടില് പ്രത്യേക ഓഫറുകള് ലഭിക്കുമെന്നും കമ്പനി വ്യക്തമാക്കിയിട്ടുണ്ട്.
വിവിധ വിഭാഗങ്ങളിലായി ഇരുപത് കോടിയിലേറെ ഉത്പന്നങ്ങള്ക്കാണ് ആമസോണ് വിലക്കിഴിവ് പ്രഖ്യാപിച്ചിരിക്കുന്നത്. വാച്ചുകള്, ബാഗുകള്, ഷൂസുകള്, ചെരുപ്പുകള് എന്നിങ്ങനെയുള്ളവയ്ക്കെല്ലാം വമ്പിച്ച ഓഫറുകളാണ് സെയിലില്. വണ്പ്ലസ്, ഐഫോണ്, സാംസങ്, റെഡ്മി, വിവോ, ലെനോവ, ഓപ്പോ, റിയല്മി എന്നീ സ്മാര്ട്ട് ഫോണ് ബ്രാന്ഡുകളും സെയിലില് ഉണ്ടാകും.
എസ്ബിഐ ഡെബിറ്റ് കാര്ഡുകളും ക്രെഡിറ്റ് കാര്ഡുകളും ഉപയോഗിച്ച് ഉല്പന്നങ്ങള് വാങ്ങുന്നവര്ക്ക് പ്രത്യേക ഓഫറുകള് ലഭിക്കുമെന്നും കമ്പനി അറിയിച്ചിട്ടുണ്ട്. വിലക്കിഴിവിന് പുറമെ വിവിധ ബാങ്കുകളും ഫിനാന്സിംഗ് സേവനങ്ങളും കമ്പനി വാഗ്ദാനം ചെയ്യുന്നുണ്ട്. നോ കോസ്റ്റ് ഇഎംഐ, എക്സ്ചേഞ്ച് ഓഫര്, ബൈബാക്ക് ഗ്യാരന്റി എന്നീ സേവനങ്ങളും ലഭ്യമാക്കുമെന്നാണ് കമ്പനിയുടെ അറിയിപ്പ്.
