മോഹന്ലാലിന്റെ ബ്രഹ്മാണ്ഡ ചിത്രം മരക്കാര് അറബിക്കടലിന്റെ സിംഹത്തിന്റെ പുതിയ പോസ്റ്റര് പുറത്തിറക്കി. മരക്കാറിനായി ആകാംക്ഷകളോടെയാണ് ആരാധകര് കാത്തിരിക്കുന്നത്. പ്രിയദര്ശന്റെ സംവിധാനത്തില് ഒരുങ്ങുന്ന ചിത്രം മാര്ച്ചിലാണ് തിയ്യേറ്ററുകളിലേക്ക് എത്തുന്നത്.
സാമൂതിരിയുടെ നാവിക മേധാവിയായിരുന്ന കുഞ്ഞാലി മരക്കാറുടെ കഥയാണ് ചിത്രം പറയുന്നത്. ബിഗ് ബഡ്ജറ്റ് ചിത്രത്തിന്റെ പുതിയ പോസ്റ്റര് അണിയറ പ്രവര്ത്തകര് പുറത്തുവിട്ടു. കീര്ത്തി സുരേഷിന്റെ കഥാപാത്രത്തെ കാണിച്ചുകൊണ്ടുള്ള പോസ്റ്ററാണ് പുറത്തുവിട്ടത്. മരക്കാറില് ആര്ച്ചയെന്ന കഥാപാത്രമായാണ് കീര്ത്തി എത്തുന്നത്. ഒരിടവേളയ്ക്ക് ശേഷം മരക്കാറിലുടെ മലയാളത്തിലേക്ക് തിരിച്ചെത്തുകയാണ് കീര്ത്തി.
#KeerthiSuresh as #Aarcha in Marakkar – Arabikadalinte Simham#Mohanlal #Priyadarshan #AntonyPerumbavoor #AashirvadCinemas
Posted by Aashirvad Cinemas on Sunday, January 19, 2020
മോഹന്ലാല് പ്രധാന കഥാപാത്രമായെത്തുന്ന നായികയായി എത്തുന്നത് മഞ്ജു വാര്യരാണ്. പ്രണവ് മോഹന്ലാല് ആണ് ചിത്രത്തില് മോഹന്ലാലിന്റെ കുട്ടിക്കാലം അവതരിപ്പിക്കുന്നത്. കീര്ത്തി സുരേഷ്, കല്യാണി പ്രിയദര്ശന്, ബോളിവുഡ് താരം സുനില് ഷെട്ടി, സംവിധായകന് ഫാസില്, സിദ്ദിഖ്, മുകേഷ്, നെടുമുടി വേണു, പ്രഭു, അശോക് സെല്വന്, അര്ജുന് സര്ജ തുടങ്ങി വമ്പന് താരനിരയാണ് ചിത്രത്തില് അണിനിരക്കുന്നത്.
നൂറു കോടി രൂപ ചെലവില് ആശിര്വാദ് സിനിമാസിന്റെ ബാനറില് ആന്റണി പെരുമ്പാവൂരാണ് ചിത്രം നിര്മ്മിച്ചിരിക്കുന്നത്. 2020 മാര്ച്ച് 26-ന് ചിത്രം തീയ്യേറ്ററുകളിലെത്തും . അഞ്ച് ഭാഷകളിലായി അയ്യായിരം തീയ്യേറ്ററുകളിലാണ് ചിത്രം പ്രദര്ശനത്തിന് എത്തുക.
