മെല്ബണ്: ലോകക്രിക്കറ്റില് ആധിപത്യം വനിതാ മേഖലയിലും സ്വന്തമാക്കാന് ടീം ഇന്ത്യ ഇന്നിറങ്ങുന്നു. ടി20 ലോകകപ്പിന്റെ കലാശപോരാട്ടത്തില് ഇന്ത്യ ഇന്ന് ഓസ്ട്രേലിയക്കെതിരെ ഇറങ്ങുകയാണ്. ആതിഥേയരും നിലവിലെ ചാമ്പ്യന്മാരുമായ ഓസ്ട്രേലിയക്കാണ് മുന്തൂക്കം.നാല് തവണ കിരീടം നേടിയ ടീമാണ് ഓസ്ട്രേലിയയുടേത്. എന്നാല് ഹര്മന്പ്രീ തിന്റെ നേതൃത്വത്തിലുള്ള പെണ്നിര ഏറ്റവും മികച്ച ഫോമിലാണ്. മാത്രമല്ല ടി20 ഉദ്ഘാടന മത്സരത്തില് ഇതേ ഓസ്ട്രേലിയന് നിരയെ അട്ടിമറിച്ചാണ് ഇന്ത്യ തുടക്കമിട്ടത്.
ഇന്ത്യന് നിരയുടെ പ്രതീക്ഷ മുഴുവന് മുന്നിര ബാറ്റിംഗിലാണ്. തകര്പ്പന് ഫോമിലുള്ള ഷെഫാലി വെര്മയെന്ന 16 വയസ്സുകാരിയാണ് എല്ലാ കളിയിലും ഇന്ത്യയുടെ ബാറ്റിംഗിന്റെ നെടുംതൂണായത്. ജെര്മിയ റോഡ്രിഗസിനൊപ്പം സ്മൃതി മന്ഥാനയും ഹര്മന്പ്രീതും ബാറ്റിംഗില് തിളങ്ങിയാല് മികച്ച സ്ക്കോര് ഇന്ത്യക്ക് നേടാനാകും. ബൗളിംഗില് ഏതു ടീമനേയും തകര്ക്കുന്ന ആത്മവിശ്വാസത്തിലാണ് പൂനം യാദവും രാധാ യാദവും അടക്ക വുമുള്ളവര്. ഉച്ചക്ക് 12.30ന് കളിയാരംഭിക്കും. സെമിയില് ഇന്ത്യ-ഇംഗ്ലണ്ട് മത്സരത്തില് മഴവില്ലനായതോടെ ഗ്രൂപ്പ് ചാമ്പ്യന്മാര്ക്ക് കിട്ടിയ മേല്കൈയ്യാണ് ടീം ഇന്ത്യയെ ചരിത്ര ത്തിലാദ്യത്തെ ടി20 ഫൈനലിലെത്തിച്ചത്.
