ആലപ്പുഴ: അരൂരിൽ സ്കൂളിന്റെ മതിൽ സമീപത്തെ വീട്ടിലേക്ക് ഇടിഞ്ഞുവീണ് ദമ്പതികൾക്ക് പരിക്കേറ്റു. ചന്തിരൂർ സ്വദേശികളായ ദാസനും ഭാര്യ സുജാതയ്ക്കുമാണ് പരിക്കേറ്റത്. ഇവരിൽ ഒരാൾ ഗുരുതരാവസ്ഥയിൽ ചികിത്സയിലാണ്.
ചന്തിരൂരിലെ ഔർ ലേഡി സ്കൂളിന്റെ മതിലാണ് തിങ്കളാഴ്ച ഇടിഞ്ഞുവീണത്. സ്കൂളിൽ ക്ലാസുകൾ നടന്നുകൊണ്ടിരിക്കെയാണ് അപകടം ഉണ്ടായത്.
മതിൽ കാലപ്പഴക്കം മൂലം അപകടാവസ്ഥയിലാണെന്ന് നേരത്തെ തന്നെ സ്കൂൾ അധികൃതരുടെ ശ്രദ്ധയിൽപ്പെടുത്തിയിരുന്നുവെന്ന് വീട്ടുകാർ ആരോപിച്ചു. എന്നാൽ ഇതുസംബന്ധിച്ച് ആവശ്യമായ നടപടികൾ സ്വീകരിച്ചില്ലെന്നും അവർ പറഞ്ഞു.
അപകടത്തിൽ മതിൽ തകർന്നു വീണ് സമീപത്തെ വീടിന്റെ അടുക്കള ഭാഗം പൂർണമായും തകർന്നു. സംഭവത്തിൽ കൂടുതൽ അന്വേഷണം നടക്കുകയാണ്.
