തിരുവനന്തപുരം: ഉയരം കുറവായതിന്റെ പേരില് സ്കൂളിലെ കുട്ടികള് ക്രൂരമായി അപമാനിച്ച ക്വാഡന് മലയാള സിനിമയിലേക്ക്. ഗിന്നസ് പക്രുവാണ് ഇക്കാര്യം അറിയിച്ചത്. ക്വാഡന് മലയാള സിനിമയില് അവസരം നല്കുന്നുവെന്ന വാര്ത്ത ഫേസ്ബുക്ക് കുറിപ്പിലൂടെയാണ് അദ്ദേഹം അറിയിച്ചിരിക്കുന്നത്. കൊറോണ ഭീതി ഒഴിഞ്ഞാലുടന് ദൈവത്തിന്റെ സ്വന്തം നാട്ടില് തമ്മില് കാണുമെന്ന് ഗിന്നസ് പക്രു ഫേസ്ബുക്കില് കുറിച്ചു.
ജാനകി എന്ന സിനിമയിലൂടെയാണ് ക്വാഡന് മലയാള സിനിമയില് എത്തുന്നത്. ബോഡിഷെയിമിംഗിനെ കുറിച്ച് പറയുന്ന ചിത്രത്തിന്റെ സംവിധായകന് ക്വാഡനുമായി ബന്ധപ്പെട്ടു കഴിഞ്ഞു. ജാനകി എന്ന സിനിമയില് അഭിനയിക്കാന് ക്വാഡന് അവസരം നല്കുമെന്നും കൊറോണ വൈറസ് പൂര്ണമായും നിയന്ത്രണ വിധേയമായ ശേഷം സിനിമാ ചിത്രീകരണത്തിന് എത്തണമെന്നും പക്രു പറഞ്ഞു.
ഉയരം കുറവായതിന്റെ പേരില് സ്കൂളിലെ കുട്ടികള് ക്രൂരമായി അപമാനിച്ച ക്വാഡന് പിന്തുണ അര്പ്പിച്ച ഗിന്നസ് പക്രുവിന് നന്ദി അറിയിച്ച് ക്വാഡന്റെ അമ്മ യാരക്ക ബെയില്സ് കഴിഞ്ഞ ദിവസം രംഗത്തെത്തിയിരുന്നു. ഗിന്നസ് പക്രുവുമായി വീഡിയോ കോളില് സംസാരിക്കണമെന്ന് ആഗ്രഹമുണ്ടെന്നും ഗിന്നസ് പക്രുവിനെ പോലെ നടനാകണമെന്നാണ് ക്വാഡന്റെ ആഗ്രഹമെന്നും അവര് മാദ്ധ്യമങ്ങളോട് വെളിപ്പെടുത്തിയിരുന്നു. ഇതിന് പിന്നാലെയാണ് ക്വാഡന് സിനിമയില് അവസരം ലഭിച്ചിരിക്കുന്നത്.
"ക്വേഡന് മലയാള സിനിമയിൽ അവസരം"കൊറോണ രോഗ ഭീതി യൊഴിഞ്ഞാലുടൻനമ്മൾ ദൈവത്തിന്റെ സ്വന്തം നാട്ടിൽ കാണുന്നു 'സ്വാഗതം 😍🙏🏼🙏🏼. ടീം" ജാനകി "സിനിമ & Team we are with you👍🏼
Posted by Guinnespakru on Wednesday, March 18, 2020
