ബെര്ലിന്: ജര്മ്മന് ഫുട്ബോള് ലീഗായ ബുന്ദേസ്ലീഗയിലെ കരുത്തന്മാര് ഇന്ന് പോരാടുന്നു. ബുറീസിയ ഡോട്ട്മുണ്ടും ബയേണ് മ്യൂണിച്ചുമാണ് ഏറ്റുമുട്ടുന്നത്. ലീഗില് നിലവില് ബയേണ് ഒന്നാം സ്ഥാനത്തും ഡോട്ട്മുണ്ട് രണ്ടാമതുമാണ്. ഇന്ന് ഇവരുടെ പോരാട്ടം കൂടാതെ മൂന്ന് മറ്റ് മത്സരങ്ങളും നടക്കും.
ബയേണിന്റെ റോബെര്ട്ട് ലെവന്ഡോവ്സ്കിയും ഡോട്ട്മുണ്ടിന്റെ ഇര്ലിംഗ് ഹാലാന്റുമാണ് ആരാധകര് പ്രതീക്ഷിക്കുന്ന താരങ്ങള്. മുന്നേറ്റനിരയിലെ ഇരുവരുടേയും പ്രകടനം മത്സരഫലം നിര്ണ്ണയിക്കും. ഇനി ടീമുകള്ക്കെല്ലാം ആറു മത്സരങ്ങളാണ് ബാക്കിയുള്ളത്. ഇന്ന് ജയിച്ചാല് ബയേണിന് തൊട്ടുപുറകില് ഡോട്ട്മുണ്ട് ഒരു പോയിന്റിന്റെ വ്യത്യാസത്തിലേക്ക് കയറാനാകും എന്നതാണ് ഗുണം.
രണ്ടു സ്ട്രൈക്കര്മാരും ഈ സീസണില് മാത്രം 35 കളികളിലായി 41 ഗോളുകള് നേടിക്കഴിഞ്ഞവരാണ്. അതുകൊണ്ടുതന്നെ യൂറോപ്പിലെ എല്ലാ ലീഗിലുംവെച്ച് ഏറ്റവും അധികം ഗോളുകള് അടിച്ച താരങ്ങളില് പ്രധാന താരങ്ങളാണ്.
