ലഡാക്: ഇന്ത്യന്‍ കരസേനാ മേധാവി ജനറല്‍ എം.എം.നരവാനേയുടെ സന്ദര്‍ശനത്തിന്റെ രണ്ടാം ദിനത്തിലെ പരിപാടികള്‍ ആരംഭിച്ചു. കിഴക്കന്‍ ലഡാക് മേഖലയിലാണ് ഇന്ന് രാവിലെ മുതല്‍ ജനറല്‍ നരവാനേ സൈനികരെ സന്ദര്‍ശിച്ച് സുരക്ഷാ സംവിധാനങ്ങള്‍ വിലയിരുത്തുന്നത്. ഇന്നലെ ലഡാക്കില്‍ പരിക്കേറ്റ സൈനികരെ നരവാനേ സന്ദര്‍ശിച്ചിരുന്നു. സേനാ മേധാവിയുടെ ലഡാക്കിലെ രണ്ടാം ദിനമാണിന്ന്. സന്ദര്‍ശനത്തില്‍ ചൈനയുടെ സേനാ മേധാവികളുമായി നടന്ന ചര്‍ച്ചകളുടെ തുടര്‍പ്രവര്‍ത്തനവും ജനറല്‍ നരവാനേ വില യിരുത്തുമെന്ന് സൈനിക വൃത്തങ്ങള്‍ അറിയിച്ചു.
‘രണ്ടു ദിവസത്തെ സന്ദര്‍ശനത്തിനായി ലഡാക്കിലെത്തിയ ജനറല്‍ നരവാനേ ഇന്ന് കിഴക്കന്‍ ലഡാക്കിലാണ് ഔദ്യോഗിക സന്ദര്‍ശനം നടത്തുന്നത്. അതാത് പ്രദേശത്തെ സൈനിക വിഭാഗ ങ്ങളുമായി നേരിട്ട് അദ്ദേഹം കൂടിക്കാഴ്ച നടത്തും. നിലവില്‍ നടന്നുകൊണ്ടിരിക്കുന്ന നിര്‍ മ്മാണ പ്രവര്‍ത്തനങ്ങളും അദ്ദേഹം വിലയിരുത്തും’ കരസേനാ വൃത്തങ്ങള്‍ ട്വിറ്ററിലൂടെ അറി യിച്ചു.
ലഡാക്കിലെത്തിയ ജനറല്‍ നരവാനേ ബി.ജെ.പി ലഡാക് ലോകസഭാംഗമായ ജാംയാഗ് സെറിംഗ് നാംഗ്യാലുമായും കൂടിക്കാഴ്ച നടത്തി. കരസേനയുടെ വടക്കന്‍ മേഖല -ലേ വിഭാഗ ങ്ങളുടെ കമാന്ററും ജനറല്‍ നരവാനേക്കൊപ്പം സന്നിഹിതനായിരുന്നു.
