രാജ്കോട്ട് : ചൈനയെ പൂര്ണ്ണമായും തള്ളി ഇന്ത്യന് കളിപ്പാട്ട രംഗം പുത്തന് ഉണര്വ്വിലേയ്ക്ക്. കളിപ്പാട്ട മേഖലയില് ചൈനയുടെ വന്കമ്പോളങ്ങളിലൊന്ന് ഇന്ത്യയായിരുന്നു. ചൈനാ കളിപ്പാട്ടങ്ങള് വ്യാപകമായി ഉപേക്ഷിക്കാന് തയ്യാറായതോടെ 150ല്പ്പരം കമ്പനികള് ആണ് ഗുജറാത്തില് നിര്മ്മാണം കൂട്ടാന് നിര്ബന്ധിതമായത്.
രാജ്യത്തിന്റെ പലഭാഗത്തു നിന്നും ഗുജറാത്തിലെ കളിപ്പാട്ടങ്ങള്ക്കുള്ള ആവശ്യക്കാരുടെ എണ്ണം കൂടുന്നതായി റിപ്പോര്ട്ടുകളും വന്നു കഴിഞ്ഞു. ഇന്ത്യയിലെ കളിപ്പാട്ട മേഖലയുടെ 80-90 ശതമാനം വരെ കയ്യടക്കിയിരുന്നത് ചൈനയായിരുന്നു. അത് മാറുന്നതോടെ ഇന്ത്യയിലെ പരമ്പരാഗതമായ ധാരാളം വ്യവസായങ്ങളോടൊപ്പം കളിപ്പാട്ട നിര്മ്മാണ മേഖലയും തിരിച്ചുവരുമെന്ന് വ്യവസായികള് പറയുന്നു. അടുത്ത മൂന്നു മാസത്തിനകം ഇന്ത്യന് വിപണിയില് 100 ലധികം കളിപ്പാട്ടങ്ങള് തനത് ഇന്ത്യന് ഉല്പ്പന്നമായി സ്ഥാനംപിടിക്കുമെന്ന് ഗുജറാത്ത് കളിപ്പാട്ട നിര്മ്മാണ വ്യവസായങ്ങളുടെ കോര്ഡിനേറ്റര് അരവിന്ദ് ജാല പറഞ്ഞു.
ഒരു സമയത്ത് വളരെ താഴേയ്ക്ക് പോയ കളിപ്പാട്ട യൂണിറ്റുകളാണ് നിലവിലെ ആവശ്യം പരിഹരിക്കാന് രാത്രിയിലും പ്രവര്ത്തിച്ചുകൊണ്ടിരിക്കുന്നത്. ഗാല്വാനിലെ ചൈനയുടെ കടന്നാക്രമണത്തിനെതിരെയുണ്ടായ ശക്തമായ ജനവികാരമാണ് ചൈനാ ഉല്പ്പന്നങ്ങള് ബഹിഷ്ക്കരിക്കുന്നതിലേക്ക് രാജ്യത്തെ ജനങ്ങള് കടന്നത്.
