ന്യൂഡല്‍ഹി: ലോക്ക് ഡൗണ്‍ കാലഘട്ടത്തില്‍ ഏറ്റവും കൂടുതല്‍ ഡെലിവറി ചെയ്ത ഭക്ഷണ സാധനങ്ങളുടെ കണക്ക് പുറത്ത് വിട്ട് സ്വിഗ്ഗി. 5.5 ലക്ഷം ചിക്കന്‍ ബിരിയാണി ഓര്‍ഡറുകളാണ് ലോക്ക് ഡൗണ്‍ കാലത്ത് സ്വിഗ്ഗിയ്ക്ക് ലഭിച്ചത്. 32 കോടി കിലോ സവാളയും 5 കോടി 6 ലക്ഷം ഏത്തപ്പഴവും പലചരക്ക് സാധനങ്ങളുടെ വിതരണം വഴി ഡെലിവറി ചെയ്‌തെന്നും കമ്പനി അവകാശപ്പെടുന്നു.
ഒരു ദിവസം ശരാശരി 65,000 ഭക്ഷണപ്പൊതികള്‍ വിതരണം ചെയ്തതായും ലോക്ക് ഡൗണ്‍ സമയത്ത് രാത്രി എട്ട് മണിയ്ക്ക് മുന്‍പായി തന്നെ വിതരണം പൂര്‍ത്തിയാക്കിയെന്നും കമ്പനി പറയുന്നു. 1,29,000 ചോക്കോ കേക്കുകളും ഈ കാലയളവില്‍ ഓര്‍ഡര്‍ ചെയ്തിട്ടുണ്ട്. ഗുലാബ് ജാം, ചിക്, ബട്ടര്‍സ്‌കോച്ച്. കേക്കുകള്‍ക്കും സമാനമായ രീതിയില്‍ ഓര്‍ഡറുകള്‍ ലഭിച്ചിട്ടുണ്ട്.
73,000 ബോട്ടില്‍ സാനിട്ടൈസറും 47,000 മാസ്‌കുകളും വിതരണം ചെയ്തുവെന്നും കമ്പനി വ്യക്തമാക്കി. 3,50,000 പായ്ക്കറ്റ് ന്യൂഡില്‍സുകളും വിതരണം ചെയ്തു. പാകം ചെയ്യാന്‍ എളുപ്പമുള്ളതു കൊണ്ടായിരിക്കാം ന്യൂഡില്‍സിന് ഇത്രയധികം ഓര്‍ഡറുകള്‍ ലഭിച്ചതെന്നാണ് സ്വിഗ്ഗി പറയുന്നത്. ആരും പട്ടിണി കിടക്കരുതെന്ന ലക്ഷ്യത്തോടെ ആരംഭിച്ച പ്രചാരണ പരിപാടിയുടെ ഭാഗമായി പത്ത് കോടി രൂപ സമാഹരിച്ചെന്നും 30 ലക്ഷം പേര്‍ക്ക് ഭക്ഷണം വിതരണം ചെയ്‌തെന്നും കമ്പനി അവകാശപ്പെടുന്നു.
POST YOUR COMMENTS
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.