ഒന്നും ചെയ്യാനില്ലാത്ത അവസ്ഥയാണ് ബോറടിക്കാനുള്ള കാരണമെന്ന് പറയാൻ സാധിക്കില്ല. അല്ലെങ്കിൽ നിങ്ങൾക്ക് ഇഷ്ടപ്പെട്ടതൊന്നും ചെയ്യാനിഇല്ലാത്ത അവസ്ഥയും അല്ല വിരസത. പകരം ഏതെങ്കിലും മറ്റൊരു പ്രശ്നത്തെ മറ്റുള്ളവർ ശ്രദ്ധിക്കാതിരിക്കാനുള്ള അല്ലെങ്കിൽ സ്വയം അതിൽ നിന്ന് രക്ഷപ്പെടാനുള്ള ഒരു മറയായി വിരസത എന്ന പദത്തെ പലരും ഉപയോഗിക്കാറുണ്ട്. വിരസതയിൽ നിന്നും എങ്ങനെ രക്ഷപ്പെടാം എന്ന് നോക്കാം.
നമുക്കിഷ്ടപ്പെട്ട ഒരു ടെലിവിഷൻ പരിപാടി കണ്ടുകൊണ്ടിരിക്കുമ്പോൾ കറന്റ് കണക്ഷൻ പോയി എന്ന് കരുതുക. അപ്പോൾ തന്നെ നിരാശ വരും. വേറെ ഒരുപാട് കാര്യങ്ങൾ മറുവശത്ത് ചെയ്യാൻ ഉണ്ടെങ്കിലും ഈ നിരാശയിൽ അത് ചെയ്യുകയും ഇല്ല. പിന്നീട് ഈ നിരാശയെ തന്നെ വളർത്തി അത് ബോറടി എന്ന അവസ്ഥയിലേക്ക് മാറും.
എപ്പോഴും എന്തെങ്കിലും ജോലികളിൽ വ്യാപ്തരാകുക. ഓരോ ദിവസവും എന്തൊക്കെ ചെയ്യാൻ ഉണ്ടെന്ന് മനസിൽ കുറിച്ചുവെക്കുക.
ചെയ്യുന്ന ഓരോ പ്രവർത്തിയിലും മനസ് അർപ്പിക്കുക. ഓരോ ജോലിയും ചുമതലയും 100% ആത്മാർത്ഥതയോടെ ചെയ്തു തീർക്കുക. താൽപര്യമില്ലാത്ത ജോലികളിൽ മുഴുകുമ്പോഴും താല്പര്യമുള്ള മറ്റെന്തെങ്കിലും കാര്യങ്ങൾ അതിൽ ചേർക്കുക. ഉദാഹരത്തിന് ഒരു വിദ്യാർത്ഥി അസ്സൈന്മെന്റ് എഴുതാൻ ഇരിക്കുമ്പോൾ പൂർണമായും ആ കുട്ടിക്ക് എഴുത്തിൽ ശ്രദ്ധ ചെലുത്താൻ സാധിക്കുകയില്ല. ഒട്ടും താൽപര്യമില്ലാത്ത പ്രവർത്തിയും ആയിരിക്കും ഇത്. ഇത് പിന്നീട് ബോറടി എന്ന അവസ്ഥയിലേക്ക് മാറാം. എന്നാൽ അതേ സമയം ആ കുട്ടി ഒരു പാട്ട് കേട്ട് കൊണ്ട് അസ്സൈന്മെന്റ് എഴുതുകയാണെങ്കിൽ ബോറടി എന്നത് ഉണ്ടാവുകയേ ഇല്ല.
ഒരുപാട് കാര്യങ്ങൾ ചെയ്ത് തീർക്കാൻ ഉണ്ടെങ്കിൽ നിങ്ങൾക്ക് ഇഷ്ടപ്പെട്ട കാര്യങ്ങൾക്ക് മുൻതൂക്കം കൊടുത്ത് കൊണ്ട് ഒരു ചാർട്ട് തയ്യാറാക്കുക.
എപ്പോഴും SMART (Specific, Measurable, Achievable, Relevant, Time bound) ലക്ഷ്യങ്ങൾ കയ്യിൽ കരുതുക.
ചിന്തകൾക്ക് ഇടം നൽകുക. ബോറടി അഥവാ വിരസത അനുഭവപ്പെടുന്ന അവസരങ്ങളിൽ എന്തെങ്കിലും രസകരമായ കാര്യങ്ങൾ ചിന്തിക്കുക.
ഇപ്പോൾ എന്താണോ സംഭവിക്കുന്നത് അതിനെ സ്വീകരിക്കാൻ തയ്യാറാവുക. ഈ നിമിഷം ഇങ്ങനെയാണ് സംഭവിക്കേണ്ടത് എന്നും എന്നാൽ അടുത്ത നിമിഷം ഇങ്ങനെ തന്നെ ആവണം എന്നില്ലായെന്നും മനസിൽ പറയുക.
ചെയ്യുന്ന കാര്യങ്ങളിൽ നിന്ന് മനസ് വ്യതിചലിക്കുമ്പോൾ ആണ് വിരസത ഉണ്ടാവുന്നത്. അതിനാൽ വർത്തമാനകാലത്ത് സ്വയം നിലയുറപ്പിക്കാൻ നിങ്ങളുടേതായ ധ്യാനത്തിൽ മുഴുകുക.
Comments