മുംബൈ: ഇന്ത്യന് ക്രിക്കറ്റിന്റെ ഗ്ലാമര് ഇനമായ പ്രീമിയര് ലീഗിന്റെ സ്പോണ്സര് സ്ഥാനത്തു ഇനി ചൈനയില്ല. ചൈനയുടെ മൊബൈല് കമ്പനിയായ വീവോയെ മാറ്റാന് ബി.സി.സി.ഐയാണ് തീരുമാനം എടുത്തത്. 2020 സീസണിലെ സ്പോണ്സറായിരിക്കുന്നത് ചൈനീസ് കമ്പനിയാണെന്നത് വിവാദമായിരുന്നു. ഇന്ത്യാ-ചൈനാ അതിര്ത്തി സംഘര്ഷത്തിന്റെ പശ്ചാത്തലത്തിലാണ് തീരുമാനം. ഇന്ത്യന് ക്രിക്കറ്റ് ആരാധകരുടെ ഭാഗത്തുനിന്നും നിരന്തരം പരാതികള് ഉയര്ന്ന പശ്ചാത്തലത്തിലാണ് തീരുമാനം വേഗത്തിലാക്കിയത്. യു.എ.ഇ യിലാണ് കൊറോണ കാലത്തെ ഐ.പി.എല് നടക്കുന്നത്.
ബി.സി.സി.ഐയുടെ ഔദ്യോഗിക പ്രഖ്യാപനം നാളെ വരുമെന്നാണ് ദേശീയ മാദ്ധ്യമങ്ങള് പറയുന്നത്. മാറിയ സാഹചര്യത്തില് 13-ാംമത് ഇന്ത്യന് പ്രീമിയര് ലീഗിന് വിവോ സ്പോണ്സര് സ്ഥാനത്തുണ്ടാകില്ലെന്ന തീരുമാനം എടുത്തതായി ബി.സി.സി.ഐ അധികൃതര് അറിയിച്ചു. ഒരു വര്ഷത്തേക്കുള്ള താല്ക്കാലിക മാറ്റമാണെന്നും രാജ്യങ്ങള്ക്കിടയിലെ ബന്ധം മെച്ചപ്പെട്ടാല് പുന:പ്പരിശോധന നടത്താമെന്നുമാണ് തീരുമാനം. 2021-23 വര്ഷങ്ങളിലേക്കുള്ള സ്പോണ്സര് തീരുമാനവും ഐ.പി.എല്ലിന് ശേഷം എടുക്കുമെന്നാണ് അറിയിച്ചിരിക്കുന്നത്.