ന്യൂഡല്ഹി: അനാഥരും മാനസിക രോഗികളുമായവര്ക്ക് വിലാസവും ഫോണ് നമ്പറും. ഡല്ഹി ഹൈക്കോടതിയാണ് വീടും വിലാസവും ഇല്ലാതെ അലഞ്ഞു നടക്കുന്നവര്ക്ക് ഡമ്മി ഫോണ്നമ്പറും വിലാസവും നല്കാന് ഉത്തരവായത്. കൊറോണ ചികിത്സയ്ക്കായി ആശുപത്രിയില് പ്രവേശിപ്പിക്കുന്ന ഇത്തരക്കാര്ക്ക് തിരിച്ചറിയല് സംവിധാനമില്ലെന്ന പരാതിയിലാണ് തീരുമാനം എടുത്തത്.
കൊറോണ ചികിത്സയില് പ്രവേശിപ്പിക്കുന്ന അനാഥരെക്കുറിച്ച് രേഖപ്പെടുത്താനും ലാബിലെ പരിശോധനയടക്കം കൃത്യമായി അറിയിക്കാനും സംവിധാനം എന്ന നിലയിലാണ് കോടതി ഡമ്മി നമ്പറും വിലാസവും നല്കിയത്. 9999999999 എന്ന പത്തക്ക ഡമ്മി നമ്പറാണ് നിലവില് അനുവദിച്ചിരിക്കുന്നത്. ഇന്ത്യന് കൗണ്സില് ഫോര് മെഡിക്കല് റിസര്ച്ചാണ് കോടതിയെ സമീപിച്ചത്.
ജസ്റ്റിസ് ഡി.എന്.പട്ടേല്, ജസ്റ്റിസ് പ്രതീക് ജലാന് എന്നിവരടങ്ങിയ ഡിവിഷന് ബഞ്ചാണ് തീരുമാനം എടുത്തത്. അനാഥരായവര്ക്കായി ഡമ്മി ഫോണ് നമ്പര് നല്കിയ കോടതി വിലാസമായി അതാത് പ്രദേശത്തെ പോലീസ് ഓഫീസറുടെ തിരിച്ചറിയല് രേഖ ഉപയോഗിക്കാമെന്നും വ്യക്തമാക്കി.
Comments