രണ്ട് തലയുള്ള അപൂര്‍വ പാമ്പിനെ കണ്ട് ഞെട്ടി നാട്ടുകാര്‍

രണ്ട് തലയുള്ള അപൂർവ്വ പാമ്പിനെ പിടികൂടി. മുംബൈയുടെ പ്രാന്തപ്രദേശത്തുള്ള കല്യാണിലെ ഗാന്ധാരെ റോഡ് പ്രദേശത്ത് നിന്ന് വ്യാഴാഴ്ചയാണ് അപൂര്‍വമായ രണ്ട് തലകളുള്ള അണലിയെ പിടികൂടിയത്. പതിനൊന്ന് സെന്റിമീറ്റര്‍ നീളമുണ്ടായിരുന്നു . അതിന്റെ ഓരോ ഇരട്ട തലയ്‌ക്കും ഏകദേശം 2 സെന്റീമീറ്റര്‍ വരെ നീളമുണ്ട്. ഇന്ത്യയില്‍ കാണപ്പെടുന്ന ഏറ്റവും വിഷമുള്ള പാമ്പുകളിലൊന്നാണ് അണലി (Russell’s Viper) അഥവാ ചേനത്തണ്ടന്‍. രാജ്യത്ത് ഏറ്റവും കൂടുതല്‍ പാമ്പു കടിയേറ്റ് മരണങ്ങള്‍ക്ക് കാരണമായ ഒരു ഇനവും കൂടിയാണ് ഇത്.

Double danger😳😳
Two headed Russell’s Viper rescued in Maharashtra. Genetic abnormality and hence low survival rates in the wild.

The Russell’s Viper is far more dangerous than most poisonous snakes because it harms you even if you survive the initial bite. pic.twitter.com/ATwEFFjaGy

— Susanta Nanda IFS (Retd) (@susantananda3) August 8, 2020

പാമ്പിന്റെ വീഡിയോ ഇന്ത്യന്‍ ഫോറസ്റ്റ് സര്‍വീസസ് ഓഫീസര്‍ സൂശാന്ത നന്ദ ട്വിറ്ററില്‍ പങ്കുവെച്ചു. ‘രണ്ട് തലയുള്ള അണലിയെ മഹാരാഷ്‌ട്രയില്‍ നിന്ന് പിടികൂടി. ജനിതക തകരാറുകളുള്ളതിനാല്‍ കാട്ടില്‍ ഇത് അതിജീവിക്കാനുള്ള സാധ്യത കുറവാണെന്ന് സുശാന്ത കുറിച്ചു. ‘വിഷമുള്ള പാമ്പുകളേക്കാള്‍ വളരെ അപകടകാരിയാണ് അണലി. ചെറുതായൊന്ന് കടിച്ചാല്‍ പോലും വളരെ ദോഷകരമായി അത് നിങ്ങളെ ബാധിക്കുമെന്നും ഇവര്‍ കുറിക്കുന്നു. ഈ വീഡിയോ ആയിരക്കണക്കിന് പേര്‍ കണ്ടു കഴിഞ്ഞു. നിരവധി പേര്‍ വീഡിയോ ഷെയര്‍ ചെയ്തു. ഈ അണലിയെ പരേലിലെ ഹാഫ്കൈന്‍ ഇന്‍സ്റ്റിറ്റ്യൂട്ടിന് കൈമാറി. രണ്ട് തലകളുള്ള പാമ്പുണ്ടാവുന്നത് അപൂര്‍വ സംഭവങ്ങളാണ്. ജനിതകമാറ്റം മൂലമാണ് ഇങ്ങനെ സംഭവിക്കുന്നത്. കഴിഞ്ഞ മെയ് മാസത്തില്‍ പൂര്‍ണ്ണമായും രൂപപ്പെട്ട രണ്ട് തലകളുള്ള പാമ്പിനെ ഒഡീഷയില്‍ കണ്ടെത്തിയിരുന്നു. ലോകത്തു തന്നെ കൊടും വിഷമുള്ള റസല്‍സ് വൈപ്പര്‍ ഇനത്തില്‍ പെട്ടതാണ് അണലി. മൂര്‍ഖനെപ്പോലെ ചീറ്റി മുന്നറിയിപ്പു നല്‍കുന്നതല്ല അണലിയുടെ രീതി, അവ പതുങ്ങിക്കിടന്ന് ആരെങ്കിലും ശല്യപ്പെടുത്തിയാലാണു കടിക്കുന്നത്. മേയ്, ജൂണ്‍, ജൂലായ് മാസങ്ങളിലാണ് ഇവ പ്രസവിക്കുന്നത്.