ലഖ്നൗ: വൃന്ദാവനിലെ ഹരേരാമ ഹരേകൃഷ്ണ പ്രസ്ഥാനത്തിന്റെ ക്ഷേത്രം അടച്ചു. പൂജാരിമാര്ക്കും ഭക്തരില് ചിലര്ക്കും കൊറോണ സ്ഥിരീകരിച്ചതോടെയാണ് ക്ഷേത്രം അടച്ചിടാന് തീരുമാനിച്ചത്. ഉത്തര്പ്രദേശിലെ വൃന്ദാവനിലാണ് പ്രശസ്തമായ ഇസ്കോണ് ശ്രീകൃഷ്ണ ക്ഷേത്രം.
ക്ഷേത്രത്തില് സ്ഥിരമായി എത്തുന്ന 22 പേര്ക്കാണ് കൊറോണ സ്ഥിരീകരിച്ചത്. ജന്മാഷ്ടമി ആഘോഷം നടക്കേണ്ടതിന് തലേ ദിവസം ക്ഷേത്രം അടച്ചിടേണ്ടിവന്ന നിരാശയിലാണ് ഭക്തജനങ്ങള്. ക്ഷേത്രച്ചടങ്ങുകള് പതിവുപോലെ നടക്കുമെന്നും ഭക്തരെ പ്രവേശിപ്പിക്കാന് സാധിക്കില്ലെന്നും ഇസ്കോണ് വാര്ത്താക്കുറിപ്പിലൂടെ അറിയിച്ചു. കഴിഞ്ഞ മാര്ച്ച് മാസത്തില് ബ്രിട്ടണിലെ ഇസ്കോണ് ക്ഷേത്രം കൊറോണ കാരണം ഒരു മാസം അടച്ചിട്ടിരുന്നു.
