ഇന്ത്യയെ എതിരിടാൻ പുതിയ യുദ്ധവിമാനം നിർമ്മിക്കാൻ ഒരുങ്ങി ചൈന . ഇന്ത്യ വാങ്ങിയ റഫേലിനോട് എതിരിടാൻ നിലവിലുള്ള ആയുധങ്ങൾ മതിയാകില്ലെന്ന് ചൈനീസ് പ്രതിരോധ വിദഗ്ധർ തന്നെ അഭിപ്രായപ്പെട്ടതിന്റെ അടിസ്ഥാനത്തിലാണിത്.ലോകത്തെ ആദ്യത്തെ രണ്ട് സീറ്റുകളുള്ള സ്റ്റെൽത്ത് പോർവിമാനം വികസിപ്പിക്കാനാണ് നീക്കമെന്നും റിപ്പോർട്ടുണ്ട്.
നിലവിൽ ചൈനയുടെ ഏറ്റവും വലിയ പോര്വിമാനമായ ജെ -20 യുടെ ബി വേരിയന്റാണ് നിർമിക്കാനൊരുങ്ങുന്നത്. ചെങ്ഡു ജെ -20 ‘മൈറ്റി ഡ്രാഗൺ’ സ്റ്റെൽത്ത് ഫൈറ്ററുകളുടെ മറ്റൊരു പുതിയ വേരിയന്റിനെക്കുറിച്ചുള്ള റിപ്പോർട്ടുകളാണ് വരുന്നത്.
എന്നാൽ, അമേരിക്കയുടെ രണ്ട് സീറ്റുകളുള്ള ബി -2 സ്പിരിറ്റ് സ്റ്റെൽത്ത് ബോംബർ പതിറ്റാണ്ടുകളായി തുടരുന്നുണ്ട്.ചൈനയുടെ പുതിയ യുദ്ധവിമാനം പാരമ്പര്യേതരമായി ഒരു ഹൈ-സ്പീഡ് സ്കൗട്ടായും നേരത്തെയുള്ള മുന്നറിയിപ്പ് വിമാനമായും ഉപയോഗിച്ചേക്കാം എന്നാണ്.
അമേരിക്കയ്ക്ക് പുറത്ത് വികസിപ്പിച്ചതും നിർമിച്ചതുമായ ആദ്യത്തെ സ്റ്റെൽത്ത് യുദ്ധവിമാനമായ ജെ -20 ഒരു ഇരട്ട എൻജിൻ യുദ്ധവിമാനമാണ്. ജെ–20 ഉയർന്ന വേഗം, മികച്ച റേഞ്ച്, പേലോഡ് എന്നിവ പ്രദർശിപ്പിക്കുന്നുണ്ടെന്നാണ് വിശ്വസിക്കപ്പെടുന്നത്.
പ്രതികൂല സാഹചര്യങ്ങളിൽ, അതിന്റെ നിലവിലെ സ്റ്റോപ്പ്-ഗ്യാപ് എൻജിനുകൾ ആവശ്യമുള്ള ഊർജ്ജം ഉൽപാദിപ്പിക്കുന്നതിൽ പിന്നിലാണ്. മാത്രമല്ല ഇതിന്റെ വശവും പിൻ വശങ്ങളും ഗണ്യമായി കൂടുതൽ റഡാറിൽ കുടുങ്ങാൻ സാധ്യതയുള്ളതാണ്.
ചൈന പ്രത്യേകിച്ചും ജെ -20 ന്റെ പ്രൊപ്പൽഷൻ സിസ്റ്റം മെച്ചപ്പെടുത്താനായി പ്രവർത്തിക്കുന്നുണ്ട്. ഡബ്ല്യുഎസ് -10 സി, ഡബ്ല്യുഎസ് -15 ടർബോഫാൻ എൻജിനുകൾ വികസിപ്പിക്കൽ, വെക്റ്റർ-ത്രസ്റ്റ് നിയന്ത്രണങ്ങൾ, റഡാർ ക്രോസ് കുറയ്ക്കുന്നതിന് രൂപകൽപ്പന ചെയ്ത സെറേറ്റഡ് എക്സ്ഹോസ്റ്റ് നോസിലുകൾ എന്നിവ ഇതിൽ ഉൾപ്പെടുത്തുന്നുണ്ട്.
ചൈനീസ് സർക്കാർ ഉടമസ്ഥതയിലുള്ള ഗ്ലോബൽ ടൈംസ് റിപ്പോർട്ടുചെയ്യുന്നത് രണ്ട് സീറ്റുകളുള്ള ജെ -20 ഒരു അതിവേഗ യുദ്ധവിമാനമായി ഉപയോഗിക്കാമെന്നാണ്. റഫേലിനേക്കാൾ മുൻപന്തിയിൽ നിൽക്കുന്ന പോര്വിമാനം നിർമിക്കുമെന്നാണ് ചൈന അവകാശപ്പെടുന്നത്. എന്നാൽ, ഇത് സംബന്ധിച്ച് കൃത്യമായ വിവരങ്ങൾ വെളിപ്പെടുത്തിയിട്ടില്ല. രേഖാചിത്രങ്ങൾ മാത്രമാണ് പുറത്തുവിട്ടിരിക്കുന്നത്.
