കേരളത്തിലെ ഏക പരശുരാമ ക്ഷേത്രം സ്ഥിതിചെയ്യുന്നത് നമ്മുടെ തലസ്ഥാന നഗരിയിലെ തിരുവല്ലയിലാണ്. പരശുരാമന് മഴുവെറിഞ്ഞ് സൃഷ്ടിച്ചതാണ് കേരളം എന്നാണ് ഐതിഹ്യം കൂടാതെ കേരളത്തിലെ മിക്ക ക്ഷേത്രങ്ങളുടേയും സൃഷ്ടാവ് പരശുരാമന് ആണെന്നാണ് പറയപ്പെടുന്നത്. എന്നാല് പരശുരാമനുവേണ്ടി തിരുവല്ലം പരശുരാമ സ്വാമി ക്ഷേത്രം മാത്രമാണ് കേരളത്തില് ഉള്ളത്. ശങ്കരാചാര്യര് ആണ് ഇവിടെ പ്രതിഷ്ഠ നടത്തിയത് എന്നാണ് വിശ്വാസം. എന്നാല് പിതാവിന്റെ
വാക്കുകേട്ട് മാതാവിനെ വധിച്ചതിന്റെ പാപം തീര്ക്കാനായി പരശുരാമന് തന്നെയാണ് തിരുവല്ലത്ത് ഈ ക്ഷേത്രം സ്ഥാപിച്ചത് എന്നും പറയപ്പെടുന്നുണ്ട്.
പാപമോചനത്തിനായി പരശുരാമന് പരമശിവനോട് പ്രാര്ത്ഥിച്ചപ്പോള് അദ്ദേഹത്തില് നിന്നും കിട്ടിയ നിര്ദ്ദേശമനുസരിച്ചാണ് ത്രിവേണി സംഗമ സ്ഥലമായ തിരുവല്ലയില് എത്തിയതെന്നും അമ്മയുടെ ആത്മാവിന് നിത്യ ശാന്തി നേടി കൊടുക്കാനായി അവിടെ ബലി തര്പ്പണം നടത്തി എന്നും പറയപ്പെടുന്നു. കരമനയാറും- പാര്വ്വതീ പുത്തനാറും- കിള്ളിയാറും സംഗമിക്കുന്നിടത്താണ്
തിരുവല്ലം പരശുരാമ സ്വാമി ക്ഷേത്രം സ്ഥിതിചെയ്യുന്നത്. വര്ഷം തോറും ഒരുപാടുപേര് ബലിതര്പ്പണത്തിനായി ഇവിടെ എത്താറുണ്ട്.
വര്ഷത്തിലൊരിക്കല് ഇവിടെ വന്നു ബലി തര്പ്പണം നടത്തിയാല് പിന്നെ അടുത്തെ വര്ഷം വരെ ബലി തര്പ്പണം നടത്തേണ്ടതില്ല. ഒരു വര്ഷക്കാലം അതിന്റെ പുണ്യം ലഭിക്കും എന്നാണ് വിശ്വാസം. സാധാരണ ക്ഷേത്രങ്ങളില് നിന്നും വ്യത്യസ്തമായി ഈ ക്ഷേത്രത്തിന്റെ അകത്തു തന്നെയാണ് ബലിതര്പ്പണം നടത്തുന്നത് എല്ലാ ദിവസവും ഇവിടെ വലിയ തര്പ്പണം നടത്താവുന്നതാണ്. ഇവിടെ വന്ന് ബലിതര്പ്പണം നടത്തുന്നതിന്റെ പുണ്യം വേറെ എവിടെ നിന്നും ലഭിക്കില്ല എന്നാണ് വിശ്വാസം. ചരിത്ര പ്രാധാന്യം കൂടുതല് ഉളള ഒരു ക്ഷേത്രം കൂടിയാണ് തിരുവല്ലം പരശുരാമ ക്ഷേത്രം
