ലോകത്തിലെ ഏറ്റവും അതിശയകരവും, അവിശ്വസനീയവുമായ റോഡുകൾ

പ്രകൃതി ഒരുക്കിയിരിക്കുന്ന ആനന്ദകരവും അത്ഭുതാവഹമായ ദൃശ്യങ്ങളും , ദിനവും ഒരുക്കുന്ന അത്ഭുതങ്ങൾക്കും സാക്ഷ്യം വഹിച്ചു കൊണ്ടാണ് നമ്മുടെ ഓരോ ദിനവും കടന്നു പോകുന്നത് . പ്രകൃതി ഒരുക്കിയിരിക്കുന്ന അത്ഭുതങ്ങൾക്ക് മേൽ അതിശയപ്പിക്കുന്ന കലാവിരുതുകൾ ഒരുക്കാൻ മനുഷ്യരും ഒട്ടും പിന്നിലല്ല .

പ്രാചീന കാലം മുതൽക്കേ സഞ്ചാര യോഗ്യമായ വഴികൾ മനുഷ്യർ നിർമ്മിച്ച് പോരുന്നു . അന്ന് നിർമ്മിച്ച വഴികൾ യാതൊരു തരത്തിലുള്ള കേടുപാടുകളും സംഭവിക്കാതെ ഇന്നും ഉപയോഗപ്രദമായി നിലകൊള്ളുന്നു എന്നുള്ളതും വാസ്തവമാണ് . ഇവയിൽ ചിലതെങ്കിലും മനുഷ്യരുടെ അസാമാന്യ കഴിവുകൾ കൊണ്ട് അവിശ്വസനീയമായ രീതിയിൽ നിർമ്മിച്ചവയാണ് . കാണുന്നത് സത്യമാണോ എന്ന് പോലും വിശ്വസിക്കാൻ പറ്റാത്ത രീതിയിൽ നിർമ്മിച്ച ചില റോഡുകൾ

അറ്റ്ലാന്റിക് ഓഷ്യൻ റോഡ്, നോർവേ

അത്ഭുതകരമായ രീതിയിൽ നിർമ്മിച്ചിട്ടുള്ള ഒന്നാണ് നോർവേയിൽ ഉള്ള അറ്റ്ലാന്റിക് ഓഷ്യൻ റോഡ്. ഇതിന്റെ ഒരു ഭാഗം പർവതത്തിന്റെ വശങ്ങളിലൂടെയും മറ്റൊരു ഭാഗം അറ്റ്ലാന്റിക് സമുദ്രത്തിലൂടെയുമാണ് നിർമ്മിച്ചിട്ടുള്ളത് . വളരെയധികം ശ്രദ്ധയോടെ വേണം ഈ ഹൈവേയിലൂടെ സഞ്ചരിക്കാൻ ,കാരണം ഏതു നിമിഷവും അറ്റ്ലാന്റിക് സമുദ്രത്തിൽ നിന്ന് ഉയർന്നു വരുന്ന തിരമാലകൾ ഈ റോഡിൽ വന്നു പതിക്കുന്നതാണ് .പ്രകൃതിയുടെ ഏറ്റവും മനോഹരമായ ദൃശ്യവിസ്മയം ആസ്വദിച്ചു കൊണ്ടുള്ള ഒരു യാത്രാനുഭവമാണ് ഈ വഴി സഞ്ചരിക്കുമ്പോൾ ലഭിക്കുന്നത് .

കാനിംഗ് സ്റ്റോക്ക് റൂട്ട്, ഓസ്‌ട്രേലിയ

1900 കളുടെ തുടക്കത്തിൽ വ്യാപാരികൾ തങ്ങളുടെ കന്നുകാലികളെ ഒരു സ്ഥലത്തു നിന്ന് മറ്റൊരു സ്ഥലത്തേക്ക് കൊണ്ട് പോകാൻ വേണ്ടി നിർമ്മിച്ചതാണ് അത്ഭുതകരമായ ഈ റോഡ് .ചരിത്രപരമായി വളരെയധികം പ്രാധാന്യം ഉള്ളതും ലോകത്തിലെ ഏറ്റവും നീളം കൂടിയതുമായ കന്നുകാലികളെ കൊണ്ട് പോകുന്ന വഴി കൂടിയാണിത് . നിരപ്പായ വഴി അല്ലാത്തതിനാൽ വളരെ കഷ്ടതയേറിയ യാത്രയായിരിക്കും ഇത് വഴിയുള്ളത് കൂടാതെ ഇടക്കെങ്ങും നിർത്താനോ ഇന്ധനം നിറക്കാനോ ഉള്ള സൗകര്യവും ഇല്ല . അതിനാൽ തന്നെ ലോല ഹൃദയമുള്ളവർക്കു സഞ്ചരിക്കാൻ കഴിയുന്ന ഒരു വഴി അല്ല ഇത് .

ജോർജിയയിലെ കോക്കസസ് റോഡ്

ജോർജിയൻ മിലിട്ടറി റോഡ് എന്നറിയപ്പെടുന്ന കോക്കസസ് റോഡ് നിലവിലുള്ള ഏറ്റവും മനോഹരമായ റോഡുകളിൽ ഒന്നാണ്. ജോർജിയയിലെയും റഷ്യയിലെയും ഭൂമികളുടെ നിയന്ത്രണം ഏറ്റെടുക്കാൻ ശ്രമിച്ചിരുന്ന അക്രമകാരമായ സംഭവങ്ങൾ നടന്ന റോമൻ കാലഘട്ടം വരെ ഇതിന്റെ ചരിത്രം നീളുന്നു . ജോർജിയയിലെ ടിബിലിസി മുതൽ റഷ്യയിലെ വ്‌ലാഡികാവ്കാസ് വരെ നീളുന്ന ഈ റോഡ് ഇരു രാജ്യങ്ങളിലെയും ചില മനോഹരമായ ഗ്രാമപ്രദേശങ്ങളിലൂടെയുമാണ് നിർമ്മിച്ചിട്ടുള്ളത് .

ദി സോജി ലാ പാസ്, ഇന്ത്യ

ഈ റോഡ് ഹിമാലയത്തിന്റെ ഏറ്റവും ഉയരമുള്ള കൊടുമുടിയിൽ നിർമ്മിച്ചിരിക്കുന്നതിനാൽ , ഇതുവഴി സഞ്ചരിക്കുന്നവർക്ക് മേഘങ്ങൾക്കിടയിലൂടെ സഞ്ചരിക്കുന്ന പ്രതീതിയാണുണ്ടാക്കുന്നത് . ലോകത്തിലെ ഏറ്റവും അവിസ്മരണീയമായ കാഴ്ച സമ്മാനിക്കുന്ന ഈ റോഡ് സമുദ്രനിരപ്പിൽ നിന്നും 11000 അടി മുകളിൽ കൂടി സഞ്ചരിക്കുന്ന ലോകത്തിലെ ഏറ്റവും അവിശ്വസനീയമായ ഒന്നാണ് .

ഗുവോളിയാങ് ടണൽ റോഡ്, ചൈന

ചൈനയിലെ ഹെനാൻ പ്രവിശ്യയിലെ തായ്‌ഹാംഗ് പർവതനിരകളിലൂടെ ആഴത്തിൽ കൊത്തിയെടുത്ത ഈ വഴിയിലൂടെ വാഹനമോടിക്കുന്നത് വളരെ തീവ്രമായ അനുഭവമാണ് സമ്മാനിക്കുന്നത് .എഴുപതുകളുടെ തുടക്കത്തിൽ പതിമൂന്ന് തൊഴിലാളികൾ ചുറ്റികയും ഉളിയും ഉപയോഗിച്ച് പാറക്കലിൽ നിർമ്മിച്ചിരിക്കുന്ന തുരങ്കമാണിത് . ലോകത്തിലെ ഏറ്റവും കുത്തനെയുള്ള റോഡുകളിലൊന്നായ ഇത് വിദൂര ഗ്രാമമായ ഗുവോലിയാങിനെ ചൈനയുടെ മറ്റ് ഭാഗങ്ങളുമായി ബന്ധിപ്പിക്കുന്നു.