കുടുംബത്തിന് വേണ്ടി ചുമതലകൾ തോളിലേറ്റുകയും , എല്ലാവരുടെയും ആവശ്യങ്ങൾ കണ്ടറിഞ്ഞു നടത്തികൊടുക്കുകയും , സ്നേഹത്തിന്റെ തണലിൽ എല്ലാവരെയും ചേർത്ത് നിർത്തുകയും ചെയ്യുന്ന നിങ്ങളുടെ ഭർത്താവിന് ഒരു സമ്മാനം കൊടുക്കണം എന്നാഗ്രഹിക്കുമ്പോൾ , പലപ്പോഴും എന്ത് എന്നൊരു ചോദ്യം അലട്ടാറുണ്ട് . അങ്ങിനെ എന്ത് സമ്മാനം കൊടുക്കും എന്ന് ചിന്ത മനസ്സിലുദിക്കുന്ന സമയത്ത് ഇവയെ കുറിച്ചും ആലോചിക്കാം
എന്നും യുവത്വം നിലനിർത്താൻ പരിശ്രമിക്കുകയും , കണ്ണാടിക്ക് മുന്നിൽ കൂടുതൽ സമയം ചിലവഴിക്കുകയും ,ഏറ്റവും മികച്ച രീതിയിൽ ഒരുങ്ങുകയും , മറ്റുള്ളവരുടെ മുന്നിൽ താൻ വ്യത്യസ്തനായിരിക്കുകയും വേണം എന്ന് ചിന്തിക്കുന്ന വ്യക്തിയാണ് നിങ്ങളുടെ ഭർത്താവെങ്കിൽ , കൊടുക്കാൻ പറ്റുന്ന ഏറ്റവും നല്ല സമ്മാനമായിരിക്കും അദ്ദേഹത്തിന് ഇഷ്ടപെട്ട ബ്രാൻഡിലുള്ള ഡിയോഡറന്റ് , ഫേസ് വാഷ് , ലോഷൻ , ആഫ്റ്റർ ഷേവ് ലോഷൻ എന്നിവയടങ്ങിയ കിറ്റ് .
പുറത്തു പോകുമ്പോൾ പെർഫ്യൂം നിർബന്ധമുള്ള വ്യകതിയാണ് നിങ്ങളുടെ ഭർത്താവെങ്കിൽ , അദ്ദേഹത്തിന്റെ ഏറ്റവും ഇഷ്ടപെട്ട ബ്രാൻഡിലുള്ള അദ്ദേഹം ഇതുവരെ ഉപയോഗിക്കാത്ത സുഗന്ധമുള്ള പെർഫ്യൂം തന്നെയായിക്കോട്ടെ തിരഞ്ഞെടുക്കുന്ന സമ്മാനം .
പുരുഷന്മാർ പൊതുവെ ഏറ്റവും പുതിയ സാങ്കേതിക വിദ്യ ഉപയോഗിച്ച് പുറത്തിറങ്ങുന്ന വസ്തുക്കൾ വാങ്ങാനും ഉപയോഗിക്കാനും ഇഷ്ടപ്പെടുന്നവരാണ് . അതിനാൽ തന്നെ അദ്ദേഹത്തിന് ഒരു സ്മാർട്ട് വാച്ച് സമ്മാനമായി കൊടുക്കാവുന്നതാണ് .
പൈസ , കാർഡുകൾ , അത്യാവശ്യ രേഖകൾ തുടങ്ങി നിരവധി സാധനങ്ങൾ വെക്കാവുന്ന വാലറ്റ് ഭർത്താവിന് കൊടുക്കാൻ വേണ്ടി തിരഞ്ഞെടുക്കാവുന്ന നല്ലൊരു സമ്മാനമാണ് .
ജോലി സ്ഥലത്തേക്ക് ഉച്ചയൂണും വെള്ളവും കൊണ്ട് പോകുന്ന വ്യക്തിയാണ് നിങ്ങളുടെ ഭർത്താവെങ്കിൽ , അദ്ദേഹത്തിന്റെ പേര് മനോഹരമായി ആലേഖനം ചെയ്ത വെള്ള കുപ്പി സമ്മാനമായി നൽകാവുന്നതാണ് .
ആർക്കാണ് തന്റെ പേരോ , ഫോട്ടോയോ ആലേഖനം ചെയ്ത സമ്മാനങ്ങൾ ഇഷ്ടമാവാത്തത് . അത് കൊണ്ട് തന്നെ ഇന്ന് വിപണയിൽ ഫോട്ടോ പ്രിന്റ് ചെയ്ത മൊബൈൽ കവർ , പേര് എഴുതിയ കീ ചെയിൻ , പേര് എഴുതിയ പേഴ്സ് എന്നിവ വിവിധ ഭാവത്തിലും രൂപത്തിലും ലഭ്യമാണ് . ഇതിൽ നിന്ന് നിങ്ങൾക്കിഷ്ടമുള്ളത് ഭർത്താവിന് സമ്മാനമായി തിരഞ്ഞെടുക്കാം .
നിങ്ങൾ കൊടുക്കുന്ന സമ്മാനം അത് എന്ത് തന്നെയായാലും അല്പം സ്നേഹം കൂടി കലർത്തി നൽകിയാൽ ഉറപ്പായും ആ സമ്മാനം അദ്ദേഹത്തിന് എന്നും പ്രിയപെട്ടതായിരിക്കും .
Comments