ചെന്നൈ : ഇന്ത്യൻ പ്രീമിയർ ലീഗ് ക്രിക്കറ്റിന്റെ പുതിയ സീസൺ പടിവാതിൽക്കലെത്തി നിൽക്കെ ചെന്നൈ സൂപ്പർ കിംഗ്സിന് വീണ്ടും തിരിച്ചടി. സൂപ്പർ താരം സുരേഷ് റെയ്നയ്ക്ക് പിന്നാലെ സ്പിന്നർ ഹർഭജൻ സിംഗും ഐപിഎല്ലിൽ നിന്നും പിന്മാറുന്നു. വ്യക്തിപരമായ കാരണങ്ങളാൽ പിന്മാറുന്നുവെന്നാണ് ഹർഭജൻ അറിയിച്ചിരിക്കുന്നത്.
ഇത്തവണത്തെ ഐപിഎല്ലില് വ്യക്തിപരമായ കാരണങ്ങളാല് താന് പങ്കെടുക്കുന്നില്ല. ഈ വിഷമഘട്ടത്തില് കുടുംബത്തോടൊപ്പം സമയം ചെലവിടാനാണ് താല്പര്യപ്പെടുന്നത്. ചെന്നൈ ടീം നല്കിയ പിന്തുണക്ക് നന്ദി അറിയിക്കുകയാണെന്നും ഹര്ഭജന് ട്വീറ്റില് പറഞ്ഞു. ടീമിന് എല്ലാവിധ ആശംസകളും നേരുകയും ചെയ്തിട്ടുണ്ട് താരം.
ഇത്തവണ ഐപിഎല്ലിനുണ്ടാവില്ലെന്ന് ഹര്ഭജന് അറിയിച്ചുവെന്നും അദ്ദേഹത്തിന്റെ തീരുമാനത്തെ മാനിക്കുന്നുവെന്നും ചെന്നൈ ടീം സിഇഒ കാശി വിശ്വനാഥന് പ്രതികരിച്ചു.
നേരത്തെ ചെന്നൈയിൽ നടന്ന പരിശീല ക്യാമ്പിലും ഹർഭജൻ പങ്കെടുത്തിരുന്നില്ല.
Comments