ഇന്ത്യൻ സംസ്ഥാനമായ ഗോവയിലെ മണ്ടോവി നദിയിൽ സ്ഥിതിചെയ്യുന്ന നാല് നിരകളുള്ള വെള്ളച്ചാട്ടമാണ് ദുദ്സാഗർ വെള്ളച്ചാട്ടം (അക്ഷരാർത്ഥത്തിൽ പാൽ കടൽ). പനജിയിൽ നിന്ന് റോഡ് മാർഗം 60 കിലോമീറ്റർ അകലെയുള്ള ഇത് മഡ്ഗാവ്-ബെലഗാവി റെയിൽ പാതയിലാണ് സ്ഥിതി ചെയ്യുന്നത്. 310 മീറ്റർ (1017 അടി) ഉയരവും ശരാശരി 30 മീറ്റർ (100 അടി) വീതിയുമുള്ള ഇന്ത്യയിലെ ഏറ്റവും ഉയരം കൂടിയ വെള്ളച്ചാട്ടങ്ങളിലൊന്നാണ് ദൂദ്സാഗർ വെള്ളച്ചാട്ടം.
മൊല്ലെം ദേശീയോദ്യാനത്തിന്റെയും ഭഗവാൻ മഹാവീർ വന്യജീവി സങ്കേതത്തിന്റെയും ഇടയിലാണ് മനോഹരമായ ദൂദ്സാഗർ വെള്ളച്ചാട്ടം സ്ഥിതി ചെയ്യുന്നത് .സമൃദ്ധമായ ജൈവവൈവിധ്യമുള്ള ഇലപൊഴിയും വനങ്ങളാൽ ചുറ്റപ്പെട്ട പ്രദേശം കൂടിയാണിത് .
വെള്ളച്ചാട്ടത്തിന്റെ പേരിനെ കേന്ദ്രീകരിക്കുന്ന ഒരു പഴയ ഐതിഹ്യമുണ്ട്. ഒരുകാലത്ത് ഈ പ്രദേശം ഭരിച്ചിരുന്ന രാജാവിന്റെ മകൾ സുന്ദരിയും , മനസ്സിന്റെയും , ഹൃദയത്തിന്റെയും , ശരീരത്തിന്റെയും വിശുദ്ധിക്ക് പ്രാധാന്യം കല്പിച്ചിരുന്നവളും , വളരെയധികം എളിമയുള്ളവളുമായിരുന്നു . അവൾ കൊട്ടാരത്തിനടുത്തുള്ള തടാകത്തിൽ കുളിക്കുക പതിവായിരുന്നു .
കുളികഴിഞ്ഞാൽ അവളും അവളുടെ കൂട്ടുകാരികളും തടാകക്കരയിൽ ഒത്തുകൂടുകയും , രാജകുമാരി ഒരു പാത്രം പാൽ കഴിക്കുകയും ചെയ്യുന്നത് പതിവായിരുന്നു . രാജകുമാരി പാൽ കുടിക്കാൻ ഉപയോഗിച്ചിരുന്ന പാത്രം ശുദ്ധമായ സ്വർണ്ണത്താൽ നിർമ്മിച്ചതാണെന്നും അവയിൽ തിളങ്ങുന്ന വജ്രങ്ങൾ പതിപ്പിച്ചതായിരുന്നു എന്നും പറയപ്പെടുന്നു .
ഒരു ദിവസം, രാജകുമാരിയും കൂട്ടുകാരും കുളി കഴിഞ്ഞു ഒത്തുകൂടിക്കൊണ്ടിരുന്ന സമയം , ചെറുപ്പക്കാരനും സുന്ദരനുമായ ഒരു രാജകുമാരൻ അടുത്തുള്ള കാടുകളിലൂടെ സഞ്ചരിക്കുകയായിരുന്നു. സ്ത്രീകളുടെ ചിരിയും ശബ്ദവും കേട്ട് അയാൾ അവിടെ ചെന്ന് നോക്കിയപ്പോൾ അതി സുന്ദരിയായ രാജകുമാരിയെ കാണുകയും അവളുടെ സൗന്ദര്യത്തിൽ മനം മയങ്ങി നിന്ന രാജകുമാരനെ അത്ഭുതപ്പെടുത്തി കൊണ്ട് അവളുടെ തോഴിമാർ അവൾക്കു വസ്ത്രം മാറുവാനായി പാല് കൊണ്ടുള്ള വെള്ളച്ചാട്ടം നിർമ്മിച്ച് മറ തീർക്കുന്ന കാഴ്ചയുമാണ് കണ്ടത് . രാജകുമാരിയുടെ പാതിവ്രത്യവും എളിമയും കാത്തു സൂക്ഷിച്ച ആ പാല് കൊണ്ടുള്ള വെള്ളച്ചാട്ടമാണ് ഇന്ന് ദൂദ്സാഗർ എന്നറിയപ്പെടുന്നത് .
അതിശയകരമായ പ്രകൃതി സൗന്ദര്യം കരകവിഞ്ഞൊഴുകുന്ന ഈ പ്രദേശത്ത് ഒരാൾക്ക് കാൽനടയായോ റെയിൽ വഴിയോ എത്താം . നാല് വീൽ ഡ്രൈവ് വാഹനങ്ങൾക്ക് മാത്രം അനുയോജ്യമായ ഒരു ബമ്പി ട്രാക്കും ഉണ്ട്, എന്നാൽ ഈ ട്രാക്കിൽ സന്ദർശകർക്ക് വെള്ളച്ചാട്ടത്തിന്റെ അടിയിൽ എത്താൻ 1 കിലോമീറ്റർ സഞ്ചരിക്കേണ്ടതുണ്ട്. വാടകയ്ക്ക് ജീപ്പുകൾ ലഭ്യമാണ്. 1200 രൂപവാടകക്ക് ഒരു സമയം 6 പേരെ ആയിരിക്കും ജീപ്പിൽ കയറ്റുക .
ഏറ്റവും സാഹസികമായ ട്രെക്കിങ്ങ് ആരംഭിക്കുന്നത് കുവേഷി ഗ്രാമത്തിൽ നിന്നാണ്. എന്നിരുന്നാലും, മഴക്കാലത്ത് ഈ സൗകര്യം ലഭ്യമല്ല, കാരണം മണ്ടോവിക്കു മുകളിലൂടെയാണ് നടപ്പാത കടന്നുപോകുന്നത് , ആയതിനാൽ മഴക്കാലത്ത് ഇവ വളരെ മോശപ്പെട്ട അവസ്ഥയിൽ ആയിരിക്കും . 11 കിലോമീറ്റർ നീളമുള്ള കുൽഹെം / കോലെം റെയിൽവേ സ്റ്റേഷനിൽ ആരംഭിക്കുന്ന മറ്റൊരു ട്രെക്കിംഗ് ഉണ്ട്. ഇത് വഴിയുള്ള സഞ്ചാരം വിനോദസഞ്ചാരികൾക്ക് പർവ്വതനിരകളുടെയും താഴ്വരകളുടെയും മനോഹരമായ കാഴ്ച സമ്മാനിക്കുന്നതായിരിക്കും .
