വാമനമൂർത്തിക്കായി സമർപ്പിച്ചിരിക്കുന്ന ഭാരതത്തിലെ ചുരുക്കം ചില ക്ഷേത്രങ്ങളിൽ ഒന്നാണ് കേരളത്തിലെ കൊച്ചിയിലുള്ള തൃക്കാക്കരയിൽ സ്ഥിതി ചെയ്യുന്ന തൃക്കാക്കര വാമനമൂർത്തി ക്ഷേത്രം . രണ്ട് സഹസ്രാബ്ദത്തോളം പഴക്കമുള്ള ഈ ക്ഷേത്രം , 108 ദിവ്യ സ്ഥലങ്ങളിൽ ഒന്നായി കണക്കാക്കുകയും , ഓണാഘോഷത്തിന്റെ ചരിത്രവും ഉത്ഭവും ഈ ക്ഷേത്രവുമായി ബന്ധപ്പെട്ട് കിടക്കുകയും ചെയ്യുന്നു .
മനോഹരമായ ചുറ്റുപാടുകൾ നിറഞ്ഞ പ്രദേശത്ത് സ്ഥിതി ചെയ്യുന്ന ഈ ക്ഷേത്രത്തിലെ പ്രധാന പ്രതിഷ്ഠ അസുര രാജാവായ വാമനന്റെ തലയ്ക്കു മുകളിൽ കാൽ വെച്ച് നിൽക്കുന്ന രൂപത്തിൽ ഉള്ള വാമനമൂർത്തിയാണ് . കൂടാതെ മഹാവിഷ്ണുവിന്റെ പ്രതിഷ്ഠയും ഈ ക്ഷേത്രത്തിൽ കുടികൊള്ളുന്നു .പരശുരാമനാൽ സ്ഥാപിക്കപ്പെട്ട ഈ ക്ഷേത്രത്തിൽ , എണ്ണൂറ്റി അറുപത്തിയൊന്നാം കാലഘട്ടത്തിൽ ഇവിടെ വെച്ച് ഓണാഘോഷങ്ങൾ നടത്തപെട്ടതിന്റെ രേഖകളും സൂക്ഷിക്കപെടുന്നു . ഇന്ന് തിരുവിതാംകൂർ ദേവസ്വത്തിന്റെ ഭരണത്തിൻ കീഴിലാണ് ഈ ക്ഷേത്രം .
ഭഗവതി, ശാസ്താവ്, ഗോപാലകൃഷ്ണൻ, നാഗങ്ങൾ , ബ്രഹ്മരക്ഷസ്സ് , യക്ഷി എന്നിവർ ഉപദേവതകളായി ക്ഷേത്രത്തിൽ കുടികൊള്ളുന്നു . ക്ഷേത്ര സമുച്ചയത്തിന്റെ പുറത്തായി ആല്മരത്തിനോട് ചേർന്നാണ് ബ്രഹ്മരക്ഷസ്സിന്റെ ക്ഷേത്രം സ്ഥിതി ചെയ്യുന്നത് .
ക്ഷേത്രവുമായി ബന്ധപ്പെട്ട് രണ്ട് കുളങ്ങൾ ആണ് ഉള്ളത് , ഒന്ന് ശ്രീകോവിലിന്റെ വടക്കുവശത്ത് ക്ഷേത്രത്തോട് ചേർന്നുള്ള കപിലതീർത്ഥം, ക്ഷേത്രത്തിലെ പൂജാരികൾക്ക് മാത്രമേ ഈ കുളത്തിലേക്ക് പ്രവേശിക്കാൻ കഴിയൂ. മറ്റൊരു കുളം ക്ഷേത്ര മതിലുകൾക്ക് പുറത്ത് വടക്കുവശത്തായി സ്ഥിതിചെയ്യുന്നു, ഓണം ആഘോഷവേളയിൽ ആറാട്ട് നടത്തുവാൻ വേണ്ടി ഈ കുളം ആണ് ഉപയോഗിക്കുന്നത് .
മഹാബലി രാജാവിന്റെ വാസസ്ഥലമായി കണക്കാക്കപ്പെടുന്ന തൃക്കാക്കരയിൽ വെച്ചാണ് ബ്രാഹ്മണ വേഷത്തിൽ എത്തിയ മഹാവിഷ്ണുവിന്റെ അവതാരമായ വാമനമൂർത്തി , അദ്ദേഹത്തെ സ്വർഗത്തേക്കാൾ മഹത്തരമായ സുതലം എന്ന സ്ഥലത്തെ രാജാവാക്കി പറഞ്ഞയച്ചത് .അതിനാൽ തന്നെ ഓണം ആഘോഷങ്ങളുടെ കേന്ദ്രമായി തൃക്കാക്കര ക്ഷേത്രം കണക്കാക്കപ്പെടുന്നു.
