മെക്രോസോഫ്റ്റിന്റെ തലപ്പത്ത് ഇനി മലയാളി സാന്നിദ്ധ്യം , കോട്ടയം സ്വദേശി ജോണ് ജോര്ജ് ചിറപ്പുറത്തിനെ വൈസ് പ്രസിഡന്റ് സ്ഥാനത്ത് നിയമിച്ചു. മൈക്രോസോഫ്റ്റ് ക്ലൗഡ് കംപ്യൂട്ടിങ് സേവനമായ ആഷറിന്റെ ജനറല് മാനേജര് ആയിരുന്ന ഇദ്ദേഹത്തിനു സ്ഥാനക്കയറ്റം നല്കിയാണ് പുതിയ നിയമനം. ഇന്റലിജന്റ് ഡേറ്റ സെന്റര് സ്വിച്ചിന്റെ തുടക്കക്കാരായ സര്വേഗ എന്ന കമ്പനിയുടെ സഹസ്ഥാപകനായാണ് അമേരിക്കയില് ജോണ് ജോര്ജ് ചിറപ്പുറത്ത് തന്റെ കരിയര് ആരംഭിച്ചത്. അതിനു ശേഷം പത്ത് വര്ഷത്തോളം മൈക്രോസോഫ്റ്റില് ഡേറ്റ പ്ലാറ്റ്ഫോം പ്രോഡക്ട് പ്ലാനിങ് സീനിയര് ഡയറക്ടര് സ്ഥാനം വഹിച്ചു. പിന്നീട് എച്ച്പി കമ്പനിയുടെ വൈസ് പ്രസിഡന്റായി.
2017 ല് വീണ്ടും മൈക്രോസോഫ്റ്റില് തിരികെ എത്തി തുടര്ന്ന് ബ്ലോക്ചെയിന്, അനലിറ്റിക്സ്, ഇന്റര്നെറ്റ് ഓഫ് തിങ്സ്, മിക്സ്ഡ് റിയാലിറ്റി തുടങ്ങിയവയുടെ ചുമതല വഹിക്കുകയായിരുന്നു അദ്ദേഹം. ഡോണ് ബോസ്കോയിലും കൊച്ചി ഡെല്റ്റ സ്കൂളിലുമായാണ് അദ്ദേഹം സ്കൂള് വിദ്യാഭ്യാസം പൂര്ത്തിയാക്കിയത്. പിന്നീട്, ബെംഗളൂരു ബിഎംഎസ് കോളജ് ഓഫ് എന്ജിനീയറിങ്ങില് നിന്ന് കംപ്യൂട്ടര് സയന്സില് ബിരുദം നേടിയ ജോണ് ഉപരിപഠനത്തിനായി അമേരിക്കയിലെത്തി. യൂണിവേഴ്സിറ്റി ഓഫ് മേരിലാന്ഡില് നിന്ന് മാസ്റ്റര് ഇന് കംപ്യൂട്ടര് സയന്സ് ബിരുദം നേടിയ അദ്ദേഹം യൂണിവേഴ്സിറ്റി ഓഫ് ഷിക്കാഗോയില് നിന്ന് എംബിഎ പഠനവും പൂര്ത്തിയാക്കിയത്.
യുഎസിലെ സിയാറ്റിലിലാണ് താമസം. യുഎസിലെ പ്രമുഖ സംരംഭകയായ ജെസിക്കയാണു ഭാര്യ. ജോര്ജ്, സാറ എന്നിവരാണ് മക്കള്. കോട്ടയം ചിറപ്പുറത്ത് പരേതരായ സി ജോര്ജ് ജോണിന്റെയും സാറാ ജോണിന്റെയും മകനാണ് ജോണ് ജോര്ജ്.
Comments