സമൂഹമാദ്ധ്യമങ്ങൾ രസകരവും , ആകർഷകവും , അപൂർവ്വവുമായ ചിത്രങ്ങളും വീഡിയോകളും കൊണ്ട് ഓരോ ദിവസവും നിറയുകയാണ് . അത്തരത്തിൽ ഉള്ള അപൂർവ്വമായ ഒരു ചിത്രമാണ് ഈയിടെ പ്രത്യക്ഷപ്പെട്ട മധുവിന്റെയും , അടൂർ ഗോപാലകൃഷ്ണന്റെയും ഒരു ബ്ലാക്ക് & വൈറ്റ് ചിത്രം .
മധുവിന്റെയും , അടൂർ ഗോപാലകൃഷ്ണന്റെയും ഈ പഴയകാല ബ്ലാക്ക് & വൈറ്റ് ചിത്രം , മലയാള സിനിമയുടെ സുവർണ്ണ കാലഘട്ടത്തെയാണ് നമ്മെ ഓർമപ്പെടുത്തുന്നത് . ഒരു കാലഘട്ടത്തിൽ നിർമ്മാതാക്കൾ കലയോടുള്ള അഭിനിവേശം കൊണ്ടായിരുന്നു ചിത്രങ്ങൾ നിർമ്മിച്ചിരുന്നത് .
സംവിധായകൻ എന്ന നിലയിൽ അടൂർ ഗോപാലകൃഷ്ണന്റെ കന്നി ചിത്രമായിരുന്നു മധുവും ശാരദയും അഭിനയിച്ച “സ്വയംവരം “. ഏറ്റവും മികച്ച സിനിമ , മികച്ച സംവിധായകൻ , മികച്ച ഛായാഗ്രഹണം, മികച്ച നടി എന്നിവക്കുള്ള ദേശീയ പുരസ്‌കാരം നേടിയ ചിത്രം കൂടിയായിരുന്നു “സ്വയംവരം “.
. മധുവും അടൂർ ഗോപാലകൃഷ്ണനും പരസ്പരം സംസാരത്തിൽ മുഴുകി ഇരിക്കുന്ന ഈ ബ്ലാക്ക് & വൈറ്റ് ചിത്രത്തിന് മലയാള സിനിമയുടെ ചരിത്രത്തിൽ ഒഴിച്ച് കൂടാനാവാത്ത സ്ഥാനം ഉണ്ട് .
ഒരാളുടെ ഇഷ്ടത്തെ കുറിച്ച് പ്രതിപാദിക്കുന്ന ചിത്രമാണ് അടൂർ ഗോപാലകൃഷ്ണൻ സംവിധാനം നിർവഹിച്ച സ്വയംവരം .മലയാള സിനിമയിൽ ആ കാലഘട്ടത്തിൽ ഉണ്ടായ പുതിയ ഒരു തരംഗത്തിന് കാരണമായതും ഈ ചിത്രം തന്നെയാണ് .ഇന്നും ഏറ്റവും മികച്ച കലാസൃഷ്ടികളുടെ കൂട്ടത്തിൽ സ്വയവരം എന്ന ചലച്ചിത്രവും സ്ഥാനം പിടിക്കുന്നു .
