സുന്ദരവും തിളക്കമുള്ളതുമായ ചർമ്മം നമ്മൾ എന്ത് എങ്ങിനെ കഴിക്കുന്നു എന്നതിൽ നിന്നാണ് ആരംഭിക്കുന്നത് . അതിനാൽ തന്നെ ചുവടെ ചേർത്തിരിക്കുന്ന ഭക്ഷണം നിങ്ങൾ ആഹാരക്രമത്തിലുൾപ്പെടുത്തുകയാണെങ്കിൽ തീർച്ചയായും നിങ്ങളുടെ ചെറുപ്പം നിലനിർത്താൻ ഇവ സഹായിക്കുന്നതായിരിക്കും
ആൻറി ഓക്സിഡൻറുകൾ, ആരോഗ്യകരമായ കൊഴുപ്പുകൾ, വെള്ളം, അവശ്യ പോഷകങ്ങൾ എന്നിവ അടങ്ങിയ ഭക്ഷണങ്ങൾ നമ്മുടെ ആഹാരക്രമത്തിൽ ഉൾപെടുത്തുമ്പോൾ , നമ്മുടെ ശരീരം അതിന്റെ പ്രയോജനം പുറത്തേക്ക് പ്രകടിപ്പിക്കുന്നത് ചർമ്മത്തിലൂടെ ആയിരിക്കും . പഴങ്ങളും പച്ചക്കറികളും കഴിക്കുന്നത് ചർമ്മത്തിൽ ഉണ്ടാകുന്ന മങ്ങിയ നിറങ്ങളെയും നേർത്ത വരകളെയും പ്രതിരോധിക്കാനുള്ള ഏറ്റവും സുരക്ഷിതവും ആരോഗ്യകരവുമായ മാർഗ്ഗമാണെന്നാണ് ഗവേഷകർ വിശ്വസിക്കുന്നത് .
ചെറുപ്പം നിലനിർത്താൻ ആഹാരക്രമത്തിൽ ഉൾപ്പെടുത്തേണ്ട ചില ഭക്ഷണങ്ങൾ ഇവയൊക്കെയാണ്
1 . പപ്പായ
ഈ രുചികരമായ ഭക്ഷണത്തിൽ വൈവിധ്യമാർന്ന ആന്റിഓക്സിഡന്റുകൾ, വിറ്റാമിനുകൾ, ധാതുക്കൾ എന്നിവ അടങ്ങിയിരിക്കുന്നതിനാൽ ചർമ്മത്തിന്റെ ദൃഢത മെച്ചപ്പെടുത്തുന്നതിനും നേർത്ത വരകളുടെയും ചുളിവുകളുടെയും കാഠിന്യം കുറയ്ക്കുന്നതിന് സഹായിക്കുകയും ചെയ്യും .
2 . ചീര
ശരീരം മുഴുവൻ ഓക്സിജൻ നൽകാനും നിലനിർത്താനും സഹായിക്കുന്ന ആന്റിഓക്സിഡന്റുകൾ അടങ്ങിയ ഭക്ഷണ പദാർത്ഥമാണ് ചീര . കൂടാതെ ചീരയിൽ വിറ്റാമിനുകൾ എ, സി, ഇ, കെ എന്നിവ ധാരാളമായി അടങ്ങിയിട്ടുള്ളതിനാൽ ചർമ്മത്തെ മിനുസമുള്ളതാക്കുകയും ദൃഢത നിലനിർത്താൻ സഹായിക്കുകയും ചെയ്യും .
3 . മധുര കിഴങ്ങ്
വിറ്റാമിൻ എ ആയി പരിവർത്തനം ചെയ്യപ്പെടുന്ന ബീറ്റാ കരോട്ടിൻ എന്ന ആന്റിഓക്സിഡന്റിൽ നിന്നാണ് മധുരക്കിഴങ്ങിന് ഓറഞ്ച് നിറം ലഭിക്കുന്നത് . വിറ്റാമിൻ എ ചർമ്മത്തിന്റെ ദൃഢത നിലനിർത്തുകയും , പുതിയ ചർമ്മ കോശങ്ങളുടെ ഉത്പാദനത്തെ പ്രോത്സാഹിപ്പിക്കുകയും ആത്യന്തികമായി മൃദുവായ, യുവത്വമുള്ള ചർമ്മം ലഭിക്കുവാൻ സഹായിക്കുകയും ചെയ്യും .
4 . മാതളനാരങ്ങ
രോഗശാന്തിക്കായി കാലാകാലങ്ങളായി ഉപയോഗിച്ച് പോരുന്ന ഒരു ഔഷധ ഫലമാണ് മാതളനാരങ്ങ . ധാരാളം വിറ്റാമിനുകളും , വൈവിധ്യമാർന്ന ആന്റിഓക്സിഡന്റ് അടങ്ങിയിട്ടുള്ളതിനാലും മാതളനാരങ്ങ ആഹാരക്രമത്തിൽ ഉൾപ്പെടുത്തുന്നത് ചർമ്മത്തിന്റെ യുവത്വം നിലനിർത്താൻ സഹായിക്കും .
Comments