പ്രോട്ടീന്, അയണ് അടക്കം ഒരുപാട് ഗുണങ്ങളുള്ള ഒന്നാണ് പയറുവര്ഗങ്ങള്. പ്രത്യേകിച്ചും മുളപ്പിച്ച പയറുകള് കഴിക്കുന്നത് ആരോഗ്യത്തിനു ഏറ്റവും നല്ലതാണ്. മാംസാഹാരം കഴിക്കാത്തവര്ക്ക് പ്രോട്ടീന് കുറവ് നികത്താന് പയറുവര്ഗങ്ങള് ഏറെ സഹായിക്കുന്നു. ഏറ്റവും ഗുണകരമാണ് ചെറുപയര് കഴിക്കുന്നത്. ചെറുപയര് പലതരത്തില് നമ്മള് ഉപയോഗിക്കുന്നു. മുളപ്പിച്ചും പുഴുങ്ങിയും തോരനാക്കിയും നമ്മുടെ ആഹാരശീലങ്ങളില് ചെറുപയറിനെ നാം ഉള്പ്പെടുത്തുന്നു. എന്നാല് ഏറ്റവും കൂടുതല് ഗുണമുള്ളതാണ് മുളപ്പിച്ച ചെറുപയര് സൂപ്പ്. ഇത് ഒരു മാസം തുടര്ച്ചയായി കഴിക്കുകയാണെങ്കില് ശരീരത്തിന് ആരോഗ്യപരമായ ഒരുപാട് ഗുണങ്ങള് ലഭിക്കുന്നു. പല അസുഖങ്ങളെയും നമ്മളില് നിന്നും അകറ്റാന് ഇതിനാല് സാധിക്കുന്നു.
100 ഗ്രാം ചെറുപയറില് 330 കലോറി മാത്രമാണ് അടങ്ങിയിട്ടുള്ളത് ഇത് കഴിക്കുന്നതിലൂടെ തടി കുറയ്കാന് സാധിക്കുന്നു. രക്ത ധമനികളില് അടങ്ങിയ കൊഴുപ്പിനെ ഇല്ലാതാക്കി ഹൃദയത്തിന്റെ ആരോഗ്യം സംരക്ഷിക്കുന്നു. കൊളസ്ട്രോള് നിയന്ത്രിക്കുന്നു. കൂടാതെ ഫ്രീ-റാഡിക്കലുകളെ പുറന്തള്ളാന് സഹായിക്കുന്നു. വൈറ്റമിന് സി, വൈറ്റമിന് ബി എന്നിവ ചെറുപയറില് അടങ്ങിയിരിക്കുന്നു. രാഗപ്രതിരോധ ശേഷി വര്ദ്ധിപ്പിക്കുന്നു. പ്രമേഹ രോഗികള്ക്കും ഏറെ ഉത്തമമാണ് ചെറുപയര്. ഇനി ആരോഗ്യ പൂര്ണമായ മുളപ്പിച്ച ചെറുപയര് സൂപ്പ് തയ്യാറാക്കുന്നത് എങ്ങനെയെന്ന് നോക്കാം.
ഇതിനായി മുളപ്പിച്ചെടുത്ത ചെറുപയര് കുക്കറിലിട്ട് വെള്ളം ഒഴിച്ച് നന്നായി വേവിച്ചെടുക്കുക. അതിനു ശേഷം ഇത് നന്നായി ഉടച്ച് അരിച്ചെടുക്കുക. ഒരു പാന് അടുപ്പത്ത് വെച്ച് അതിലേക്ക് ഒരു ടീസ്പൂണ് ബട്ടര് ഇട്ട് കൊടുക്കുക. ശേഷം അതിലേക്ക് ജീരകവും വലിയ ഉള്ളിയും ചേര്ത്ത് നന്നായി വഴറ്റിയെടുക്കുക. ഇതിലേക്ക് ഊറ്റി വെച്ച ചെറുപയര് വെള്ളവും ചേര്ക്കുക. ഇത് നന്നായി തിളച്ചുവരുമ്പോള് ഇതിലേക്ക് കുരുമുളകു പൊടിയും ഉപ്പും ചേര്ത്ത് കൊടുക്കുക. നന്നായി തിളപ്പിച്ച് കുറുക്കിയെടുത്ത ശേഷം ഇളം ചൂടോടെ കഴിക്കാം. കുട്ടികള്ക്കും മുതിര്ന്നവര്ക്കും ഒരുപോലെ കഴിയ്ക്കാവുന്ന ഒന്നാണ് ചെറുപയര് സൂപ്പ്. കുട്ടികളുടെ ബുദ്ധി വികാസത്തിനും ഇത് ഏറെ സഹായകമാണ്. വീട്ടില് എളുപ്പം ഉണ്ടാക്കാവുന്ന ഈ ചെറുപയര് സൂപ്പര് ആരോഗ്യത്തിന് വളരെ നല്ലതാണ്.
